Wicipedia:Y Caffi

Croeso i'r Caffi Dyma'r lle i chi drafod sut mae pethau'n gweithio yma, polisïau, a phroblemau technegol a gofyn cwestiynau ynglŷn â Wicipedia. I ychwanegu cwestiwn, cliciwch yma. I ddechrau pennawd newydd, a theipiwch eich neges. Cofiwch lofnodi'r neges drwy ychwanegu pedair sgwigl (tilde) (~~~~) ar y diwedd.

Blwyddyn Newydd Dda i bawb o'n golygyddion! A diolch am eich cwmni dros y flwyddyn ddiwethaf! Boed i ni gryfhau ein gafael ar wici bach ni, cyn i AI a'r Brawd Mawr ei gipio oddi arnom. Byddwch wych! Llywelyn2000 (sgwrs) 07:39, 1 Ionawr 2025 (UTC)Ateb

Echdoe, cysylltodd Golwg360 efo fi i fy holi am y fandaliaeth ar Wicipedia a ddoe, cysylltodd Cymru Fyw, BBC Cymru. Mae'r naill gyfweliad i'w weld yma a'r llall yma. Mae na un cangym ar ddechrau'r ail, ond dim byd mawr. Y gobaith yw y daw eraill atom i'r gorlan, wrth gwrs. Llywelyn2000 (sgwrs) 10:44, 8 Ionawr 2025 (UTC)Ateb

Sylwer ar y Sgwrs yma. Unrhyw sylwadau? Mae'n nodi:

Currently, your Wiki's machine translation threshold is 95% by default, meaning contributors can publish up to 95% of unmodified initial machine translation. We can make this stricter to ensure contributors review and edit the machine translation more before they can publish it.

Byddai newid y rhiniog i 80% yn golygu fod yn rhaid i'r golygydd ychwanegu 20% o'i ben a'i bastwn ei hun. Cytuno? Llywelyn2000 (sgwrs) 09:38, 14 Ionawr 2025 (UTC)Ateb

Rwy'n credu bod hynny'n gwbl resymol ac yn ateb cymesur. Suddodd fy nghalon pan welais dy sgwrs ag UOzurumba. Mae gan bolisi WMF fwriad da, ond o ba fudd y mae i bobl sy’n defnyddio cywiki mewn gwirionedd ac sydd â diddordeb yn y Gymraeg? Yn nwylo pobl sydd eisiau gwthio eu hagendâu eu hunain mae cyfieithu awtomatig yn mynd yn arf peryglus. Craigysgafn (sgwrs) 10:50, 14 Ionawr 2025 (UTC)Ateb

Y broblem fwyaf efo erthyglau sydd wedi mynd trwy'r peiriant cyfieithu yw ei ddefnyddio gan bobl gwbl di Gymraeg, neu bobl sydd ddim am drafferthu gwirio o gwbl. Byddai gorfod gwirio o leiaf 20-25% yn chwynnu y rhan fwyaf o'r troseddwyr hyn. Yn ddibynnol ar y testun, mae'r peiriant cyfieithu yn gallu bod yn hynod gywir yn achlysurol, gan greu cyfieithiad sy'n well na'r targed. Y modd i osgoi gwrthod y fath gyfieithiad yw trwy ychwanegu gwybodaeth amgen i'r cyfieithiad ee Saesneg="David Lloyd George was Chancellor of the Exchequer between 1908 and 1915" Cyfieithiad Google="Roedd David Lloyd George yn Ganghellor y Trysorlys rhwng 1908 a 1915" (100% cywir). Mae rhoi gwybodaeth amgen yn y cyfieithiad="Roedd David Lloyd George (Aelod Seneddol Bwrdeistrefi Caernarfon) yn Ganghellor y Trysorlys rhwng 1908 a 1915" yn mynd a'r cyfieithiad dros y trothwy. Mae annog rhoi gwybodaeth amgen mewn cyfieithiad hefyd yn arfer da. Felly, cytuno'n llwyr efo'r awgrym. AlwynapHuw (sgwrs) 01:05, 15 Ionawr 2025 (UTC)Ateb

Diolch eich dau! Newydd roi crynhodeb o'n sgwrs ar dudalen y defnyddiwr yma. Dw i ddim yn ffyddiog, gan fod sawl ffordd o ddod dros y rhiniog, ee copio a gludo clenc / paragraff yn uniongyrchol yn hytrach na thrwy'r Cymhorthydd Cyfieithu. Atal pawb sy'n golygu heb fewngofnodi fyddai ateb arall, wrth gwrs. Cawn weld! Llywelyn2000 (sgwrs) 11:33, 19 Ionawr 2025 (UTC)Ateb

Weithiau, mae bron yn amhosib gwneud synnwyr o'r ciplun yn y blwch 'Ar y dydd hwn' yn yr Hafan, gan ei fod mor fach. Dw i wedi codi maint y ddelwedd o 100x100 i 110x110 ar un diwrnod, i weld ydy o'n well ai peidio - Wicipedia:Ar y dydd hwn/20 Ionawr. Mi wna i gynyddu'r gweddill i'r un patrwm (110x110), efo bot, os nad oes gwrthwynebiad. Llywelyn2000 (sgwrs) 07:03, 20 Ionawr 2025 (UTC)Ateb

Syniad da! A dweud y gwir, roedd y canlyniad diweddaraf dal braidd yn fach. Rwyf wedi ceisio 140px, sy'n gweithio ar fy nesgtop a'm iPad. (Does dim ffôn symudol 'da fi.) Gawn ni weld! Craigysgafn (sgwrs) 09:44, 20 Ionawr 2025 (UTC)Ateb

Mae'n edrych yn iawn i mi, ond yn wahanol i'r fformat 110x100px gwreiddiol. Dw i erioed wedi deall y gwahaniaeth rhwng y ddwy drefn yma. @Ham: osododd y maint gwreiddiol - be ti'n feddwl? Ydy newid y drefn yn bygro'r cod rywsut ar rai dyfeisiau? Llywelyn2000 (sgwrs) 09:30, 21 Ionawr 2025 (UTC)Ateb

Byddai lled (yn unig) o 140px yn gweithio'n dda fel ar Wicipedia:Ar y dydd hwn/22 Ionawr achos mae rheolau CSS yn lleihau y ddelwedd i 110px ar ffonau symudol gyda sgrin bach, beth bynnag. Felly does dim perygl o fynd yn rhy fawr achos mae rheolau i gadw'r ddau golofn Pigion/Ar y dydd yn gymesur. Ar y rhan fwyaf o ffonau symudol o bob maint mae'r llun yn ymddangos ar y top gyda'r dyddiad o dano. Ar tabled mae'r llun edrych yn dda hefyd. Dafyddt (sgwrs) 23:03, 22 Ionawr 2025 (UTC)Ateb

Fantastig Dafydd! Mi ai ati'r pnawn ma i'w newid efo'r bot. Can diolch! Llywelyn2000 (sgwrs) 09:44, 26 Ionawr 2025 (UTC)Ateb

@Llywelyn2000: Ham oedd fy hen gyfrif, felly gweithiodd y {{ping}} ddim i fi ar ddydd Mawrth. Falch iawn gweld dy fod yn mynd i gynyddu meintiau'r delweddau hyn gyda bot. 90x90px oedd y maint gwreiddiol, sydd nawr yn rhy fach o lawer, ac rwy wedi ei godi i 100x100px bob tro rwy'n golygu un o'r tudalennau AYDH – dyna'r unig reswm dros yr amrywiaeth hyd ag y gwn i, am fod rhai nad ydw i wedi eu golygu. Rwy'n hapus iddo fod yn fwy byth, ond gawn ni gadw'r ddau dimensiwn os gwelwch yn dda, e.e. 140x140px nid dim ond 140px (sef lled yn unig)? Wedyn fe fydd y lluniau fformat 'portread' yn 140px o hyd a'r rhai 'tirlun' yn 140px o led. Ham II (sgwrs) 11:34, 26 Ionawr 2025 (UTC)Ateb

O'r hyn rwy'n ei ddeall (WP:IMAGESIZE) mae'r uchder yn 140x140px yn cael ei anwybyddu gan y dehonglydd, felly mae "140px" yn iawn. Craigysgafn (sgwrs) 12:06, 26 Ionawr 2025 (UTC)Ateb

@Craigysgafn: Dim dyna fy nealldwriaeth i; dydi 140x140px ddim yn gosod y dimensiynau union hynny (a fyddai'n gwneud pob delwedd yn sgwâr), ond yn hytrach yn gosod y dimensiwn mwyaf i 140px boed hynny'n hyd neu'n lled. Ham II (sgwrs) 12:31, 26 Ionawr 2025 (UTC)Ateb

Yn fwy na thebyg, chi sy'n iawn! Craigysgafn (sgwrs) 13:54, 26 Ionawr 2025 (UTC)Ateb

@Ham II: - unrhyw ddadl dros gadw'r patrwm 140x140px? Llywelyn2000 (sgwrs) 12:22, 26 Ionawr 2025 (UTC)Ateb

@Llywelyn2000: Byddai'n rhoi hyd o 140px i ddelweddau fformat portread a lled o 140px i rai fformat tirlun, sydd yn fwy addas nac un lled ar gyfer pob delwedd (a fyddai'n golygu bod portreadau llawer mwy o faint na thirluniau). Ham II (sgwrs) 12:31, 26 Ionawr 2025 (UTC)Ateb

Diolch Ham II! Mae hynny'n gwneud synnwyr. A dyna fi wedi dysgu rhywbeth heddiw! Llywelyn2000 (sgwrs) 12:42, 26 Ionawr 2025 (UTC)Ateb

Dw i di cyhoeddi hwn: Wicipedia:Ar y dydd hwn/10 Awst a Wicipedia:Ar y dydd hwn/26 Ionawr (heddiw / gw. Hafan) a mi wnai'r gweddill os ydy Craigysgafn yn cytuno. Ychydig yn rhy fawr ar yr Hafan? Does na ddim byd yn barhaol, wrth gwrs, a mi fedran ni ei newid eto wrth i dechnoleg newydd ddod i'r fei. Gyda llaw, dw i hefyd wedi ychwanegu Categori:Ar y dydd hwn - categori anweledig i gadw'r cwbwl mewn trefn. Llywelyn2000 (sgwrs) 12:55, 26 Ionawr 2025 (UTC)Ateb

 Llywelyn2000 (sgwrs) 16:27, 26 Ionawr 2025 (UTC)Ateb

@Llywelyn2000: Y brif broblem a welaf yw nad ydym yn cael gweld y capsiynau "Cynan" a "Louvre" rwyt ti wedi'u cyflenwi. Ar ôl edrych ar Hafan ar enwiki, mi welais ddatrysiad, a dwi wedi hacio peth sydyn sy'n cyfateb i hynny. Gweler Wicipedia:Ar y dydd hwn/10 Awst, lle mae capsiwn yn ymddangos. Mae cod y nodyn (a'r enw hefyd!) dwi wedi creu yn bethau dros dro hyll, ond os yw'r canlyniad yn iawn gallwn ni ei dwtio. Craigysgafn (sgwrs) 17:47, 26 Ionawr 2025 (UTC)Ateb

@Llywelyn2000: Roeddwn i mewn ychydig o frys ddoe pan oeddwn yn gwneud hyn i gyd. Wedi meddwl am y peth, mae'r ateb a ddarganfyddais bryd hynny'n ymddangos yn iawn, ar wahân i'r enw Saesneg ar y modiwl. Rwyf wedi ei ail-greu fel Nodyn:Delwedd - ar y dydd hwn. Gweler Wicipedia:Ar y dydd hwn/10 Awst unwaith eto. Credaf fod hyn yn ateb taclusach na defnyddio delwedd ag elfen "bawd". --Craigysgafn (sgwrs) 17:22, 27 Ionawr 2025 (UTC)Ateb

Dw i'n licio'r syniad o'i roi maint y ddelwedd mewn Nodyn - un golygiad yn lle 365! Gwych iawn! Dw i newydd ei ychwanegu ar Wicipedia:Ar y dydd hwn/28 Ionawr (heddiw) i weld sut mae'n ymddangos yn yr Hafan. Ac fel Wicipedia:Ar y dydd hwn/10 Awst, mae'n bortread ac felly'n llawer rhy fawr. Fedri di ymgorffori syniad Ham II, sef 140x140px fyddai'n atal yr hyd a'r lled rhag bod yn fwy na 140px?

Tybed fedrwn ni hefyd drio newid aluniad y testun i dde yn hytrach na chwith? A lleihau maint y ffont rhyw fymryn? Llywelyn2000 (sgwrs) 07:08, 28 Ionawr 2025 (UTC)Ateb

@Llywelyn2000: Triais i 140x140 yn y nodyn newydd ac mae'n debyg ei fod wedi gweithio.

Ga i awgrymu cadw'r nodyn fel is-dudalen o Nodyn:Delwedd Hafan – hynny yw, newid ei enw i Nodyn:Delwedd Hafan/Ar y dydd hwn neu Nodyn:Delwedd Hafan/AYDH, cyn ei roi ar bob tudalen? Byddai'n dilyn yr un patrwm â 10 iaith arall wedyn.

Efallai byddai testun yn y canol yn gweithio gorau ar gyfer y delweddau teneuaf, er enghraifft yr un sydd ar Wicipedia:Ar y dydd hwn/25 Ionawr. Ham II (sgwrs) 08:24, 28 Ionawr 2025 (UTC)Ateb

Fantastig! Craig? Llywelyn2000 (sgwrs) 08:59, 28 Ionawr 2025 (UTC)Ateb

Ie! A byddai testun yn y canol yn llawer mwy ymarferol hefyd. Rwyf wedi addasu'r cod. Diolch i chi'ch dau! --Craigysgafn (sgwrs) 09:16, 28 Ionawr 2025 (UTC)Ateb

Enghraifft efo'r bot: Wicipedia:Ar y dydd hwn/1 Chwefror. Iawn i fynd ymlaen efo'r gweddill? Llywelyn2000 (sgwrs) 10:16, 28 Ionawr 2025 (UTC)Ateb

Ardderchog! Tynnwch y plociau! I ffwrdd â ni! Craigysgafn (sgwrs) 11:05, 28 Ionawr 2025 (UTC)Ateb

Mae na olygydd o en-wici (lle mae'n cyd-gyfarth mewn pac gyda golygyddion tebyg ee Sirfurboy, DankJae...) newydd greu tudalen ar cy-wici yn fama. Unrhyw olygiad negyddol am Gymru neu'r Gymraeg - neu fandaliaeth arall - a mi gaiff ei flocio. Dyma rai o'i olygiadau ar en: 1, 2, 3, 4, 5... Llawer o bethau negyddol, bach, dros lawer o flynyddoedd. Llywelyn2000 (sgwrs) 11:04, 6 Chwefror 2025 (UTC)Ateb

Daeth hi'n amser ail-edrych ar ein Gweinyddwyr nad yddyn nhw wedi golygu ers tro (tros 12 mis). I'r perwyl hynny, dw i wedi rhoi'r manylion ar Wicipedia:Gweinyddwyr. Tybed, os oes gennych sylw, neu os ydych yn cytuno i mi fynd ymlaen - a wnewch chi nodi hynny ar y dudalen Sgwrs yn unig, lle bod y drafodaeth yn mynd ar chwal. Ar ol gorffen y broses (drist) hon, gallem ystyried a oes angen Gweinyddwyr newydd. Cofiwch hefyd nad oes dim yn ddi-droi-nol! Gallem ailarfogi Gweinyddwr sy'n dychwelyd i'r gorlan unrhyw dro, os dymunent ailafael ynddi. Can diolch! Llywelyn2000 (sgwrs) 11:48, 6 Chwefror 2025 (UTC)Ateb

Helo - jest neges fach fyr i gyflwyno fy hun. Fi yw’r Cydgysylltydd Rhaglen Cymru (ac Ieithoedd) newydd. Dwi’n gweithio rhan amser, tridiau bob wythnos (Dydd Mawrth i Ddydd Iau). Dechreuais i’r swydd ar ddiwedd Ionawr (a dwi dal yn dysgu lot am ddefnyddio Wicipedia!). Dwi'n byw yng Nghaerdydd nawr ond yn wreiddiol dwi'n dod o Lanelli.

Yn y dyddiau ymlaen wna i rannu holiadur bach ar gyfer unrhyw un sy'n eisiau rhannu eu barn am ba fath o gymorth nhw'n eisiau gan y cydgysylltydd.  Ond yn y cyfamser, os hoffech chi cwrddo fi, gofyn cwestiynau neu os gennych unrhyw bryderon neu awgrymiadau chi’n eisiau rhannu, fy nghyfeiriad e-bost yw gemma.coleman@wikimedia.org.uk. Edrych ymlaen at weithio gyda chi gyd! Gemma Coleman (WMUK) (sgwrs) 10:01, 12 Chwefror 2025 (UTC)Ateb

Pob hwyl, Gemma! Mae'r disgrifiad o'r swydd yn y ddolen yn defnyddio iaith fiwrocrataidd nodweddiadol. Mae hyn yn anochel, wrth gwrs. Allech chi egluro ychydig pa fath o beth y byddwch chi'n ei wneud o ddydd i ddydd, a pha fath o beth y dylai defnyddwyr a gweinyddwyr fod yn ei ddwyn i'ch sylw? Craigysgafn (sgwrs) 10:37, 12 Chwefror 2025 (UTC)Ateb

Ia, wir, llongyfarchiadau - a phob hwyl i ti yn y swydd newydd! Robin aka Llywelyn2000 (sgwrs) 10:51, 12 Chwefror 2025 (UTC)Ateb

Diolch @Llywelyn2000 :) Gemma Coleman (WMUK) (sgwrs) 15:09, 12 Chwefror 2025 (UTC)Ateb

Hi @Craigysgafn! Cwestiynau gwych ond yr ateb onest yw - dwi ddim yn siŵr ar hyn o bryd!

Does dim rhaid i unrhyw un cysylltu fi ond am unrhyw gwestiynau/ awgrymiadau neu bethau arall pobol yn gobeithio mae'n bosib Wikimedia UK gallu helpu gyda (e.e. gwybodaeth am offer Wici, golygathons, awgrymiadau a.y.b.), mae croeso mawr iddyn nhw cysylltwch fi a wna i drio fy ngorau i helpu.

Mae’n rhy gynnar i wybod beth fydd fy ngwaith fel arfer yn edrych fel dydd i ddydd. Mae'n debygol i newid wythnos i wythnos hefyd. Gwaith dwi'n disgwyl gwneud yn y wythnosau ymlaen yw helpu trefnu cynhadledd ieithoedd lleiafrifiedig, dathlu Wicipedia Cymraeg ar gyfryngau cymdeithasol ar gyfer Dydd Gŵyl Dewi a theithio i nifer o "golygathonau" wahanol dros y DU. Gemma Coleman (WMUK) (sgwrs) 15:08, 12 Chwefror 2025 (UTC)Ateb

Croeso Gemma! Edrych ymlaen i gydweithio. Jason.nlw (sgwrs) 10:05, 17 Chwefror 2025 (UTC)Ateb

Helo Gemma, llongyfarchiadau ar dy benodiad a phob dymuniad da ar gyfer y swydd! Gobeithio dy fod yn mwynhau'r profiad hyd yn hyn. --Oergell (sgwrs) 15:30, 19 Mawrth 2025 (UTC)Ateb

Gweler Sgwrs:Connor Morgans. Mae yna fater o bolisi yma. Ddylen ni ddileu erthygl oherwydd nad yw'r pwnc yn ei hoffi? Craigysgafn (sgwrs) 21:35, 12 Chwefror 2025 (UTC)Ateb

Wela i'r un rheswm dros ddileu'r erthygl. Mae'r ffaith bod erthygl en: wedi ei dileu yn gwbl amherthnasol. Os nad yw'r unigolyn dan sylw yn hoffi'r erthygl, dylen ni geisio sicrhau mai dim ond gwybodaeth berthnasol sy yn y parth cyhoeddus sydd i'w gweld - ond fe fyddai dileu'r erthygl yn gosod cynsail peryglus. Llygad Ebrill (sgwrs) 14:11, 13 Chwefror 2025 (UTC)Ateb

Mae'n werth ystyried yr hawliau o dan ddeddf GDPR (canllaw ICO). Nid yw'r hawl i anghofio yn gymwys ar gyfer ".. exercise the right of freedom of expression and information;". Mae'r erthygl ei hun yn llawn cyfeiriadau da ac amrywiol, felly mae'r wybodaeth i gyd yn gyhoeddus mewn llefydd eraill, ac wedi ei gynnig gan yr unigolyn fel rhan o gyhoeddusrwydd. Mae dyddiad ei ben-blwydd wedi ei gyhoeddi ar Instagram. Mae yna drafodaethau eitha helaeth am hyn a'r effaith ar Wikipedia nôl yn 2014 ond mae'n bosib bod pethau wedi symud ymlaen ers hynny. Rhaid ychwanegu yr ymwadiad arferol - Nid Wyf Yn Gyfreithiwr. Dafyddt (sgwrs) 23:13, 13 Chwefror 2025 (UTC)Ateb

Hoffwn i jyst cytuno efo'r dadlau dros cadw'r erthygl yma. Dw'i methu gweld unrhyw rheswn i dileu. Jason.nlw (sgwrs) 10:13, 17 Chwefror 2025 (UTC)Ateb

Cefais broblem debyg rhai blynyddoedd yn ôl, am berson oedd yn enwog yng Nghymru ond yn cael ei hystyried yn "not notable" yn y byd Saesneg. Barn Wici rhyngwladol, oedd mai mater i'r wiciau lleol yw pwy neu beth y maent yn son amdanynt ar eu safleoedd hwy. Cadwn yr erthygl am Gymro yma. Ond y Cwestiwn yw os yw'r erthygl yn berthnasol i Gymry Cymraeg; pa hawl sydd gan Wikipedia Saesneg i ddweud nad ydyw yn berthnasol i Gymry ddi-gymraeg, gan mae eu Wici hwy, hefyd yw Wikipedia Saesneg? 01:22, 8 Mehefin 2025 (UTC)

Sylwais i’r digwyddiad ar-lein hwn sy'n cael eu cynnal nos yfory (Dydd Gwener 21ain) i lansio’r ymgyrch “Wiki Loves Mother tongue”. Mae'n ymgyrch byd-eang ond ar y tudalen blaen eu gwefan mae fideo o siaradwr Cymraeg. Hefyd, dwi’n siŵr mae mwyafrif ohonoch chi yn fwy ymwybodol o’r ymgyrchoedd Wiki na fi ond ni’n mewn canol o “Wici Llên Gwerin” (a “Feminism and Folklore”) os rheiny o ddiddordeb i unrhyw un sy ddim yn gwybod amdanyn nhw yn barod. Gemma Coleman (WMUK) (sgwrs) 14:09, 20 Chwefror 2025 (UTC)Ateb

Dwi'n mynd i golygathon nos yfory (dydd Gwener y 7fed) yn Hyb Cymunedol Taj Mahal ym Machynlleth sy'n cael ei gynnal fel rhan o'r ymgyrch "Art + Feminism". Cofrestriad a mwy o wybodaeth yma. Os oes unrhyw un arall yn mynd hefyd, byddwn i wrth fy modd i ddweud helo (dwi'n menyw wen yn fy nhridegau hwyr gyda gwallt brown byr). Gemma Coleman (WMUK) (sgwrs) 10:05, 6 Mawrth 2025 (UTC)Ateb

Helo pawb. Mae braf gen i cyhoeddu bod y Llyfrgell Gen wedi rhyddhau casgliad Geoff Charles i Comin Wici. Mae'r casgliad yn cynnwys tua 130,000 o ddelweddau gwych o bywyd yng Nghymru rhwng tua 1945 - 1975 gan cynnwys eisteddfodau, gwleiddyddion, tywydd eithafol a protestiaid pwysig. Felly plis ewch amdani a defnyddio nhw i greu a gwella erthyglau Wici! Dyma blas i chi...

• 
  Ffatri newydd yng Nghonwy
• 
  Protest Llyn y Fan Fach
• 
  Syr Idris Foster
• 
  Noson Lawen ym Mhlas y Giler, Pentrefoelas
• 
  Eira yn Llansilyn a Rhydycroesau, 1955

Jason.nlw (sgwrs) 10:11, 10 Mawrth 2025 (UTC)Ateb

Mae 4,500+ o bortreadau o actorion ac o actorion yn perfformio ar lwyfan i Gwmni Theatr Cymru, efo teitlau cyffredinol sydd ddim yn enwi'r actorion. Rwy'n adnabod wynebau nifer ohonynt ond yn methu cofio eu henwau. Os all rhywun rhoi enwau arnynt a'u rhoi ar erthyglau actorion / dramâu, mi fyddent yn gaffaeliad mawr i Wicipedia. Dolen i'r casgliad ?Paulpesda

AlwynapHuw (sgwrs) 17:15, 16 Mawrth 2025 (UTC)Ateb

Paul, dwi wedi ychwanegu enwau i rhai o'r uchod. Clive Roberts ydi'r boi ifanc yn Pros Kairon dwi'n meddwl ie? Mae dy erthyglau di am y dramau yn cynnwys y cast felly mae'n haws gweithio allan pwy di pwy wedyn. Mae tipyn o'r lluniau yn bodoli yn Archifau Gwynedd hefyd felly mae chwilio eu gwefan am enw drama yn gallu dangos rhai canlyniadau defnyddiol sy'n cynnwys enwau.--Dafyddt (sgwrs) 21:55, 19 Mawrth 2025 (UTC)Ateb

Nid ymhob achos, ond os agorwch chi'r lluniau yn Comin, a sgrolio i lawr i Crynodeb, mae rhai yn cynnwys y maes depicted people sydd wedi pigo fyny metadata'r Llyfrgell os oedd enw'r person(au) yn hysbys. Rhyswynne (sgwrs) 09:43, 20 Mawrth 2025 (UTC)Ateb

Fi wnaeth ychwanegu rheina Rhys. Dwi ddim yn meddwl byddai y meta data wedi gallu bwydo'r maes yna (yn otomatig o leia). Dafyddt (sgwrs) 12:13, 20 Mawrth 2025 (UTC)Ateb

Ah, ro'n i wedi meddwl y byddai hynny'n bosibilrwydd, ond doedd y botwm 'hanes' ddim yn ateb fy nghwestiwn. Rhyswynne (sgwrs) 08:56, 21 Mawrth 2025 (UTC)Ateb

Diolch i chi gyd am eich sylwadau. Wedi cymryd seibiant o'r gwaith yma am gyfnod, ond am ddychwelyd ati yn fuan. Mor falch bod y casgliad gwerthfawr yma bellach ar gael i'w gweld a'u gwerthfawrogi. Diolch i @Jason.nlw Paulpesda (sgwrs) 10:39, 27 Mawrth 2025 (UTC)Ateb

Diolch i ti @Paulpesda am gwneud y cais i defnyddio'r casgliad - dw'i môr falch gallu rhannu'r lluniau yma yn agored o'r diwedd! Falch hefyd i weld nhw'n cael i defnyddio. Hoffwn i bwydo'r data newydd am pwy sydd yn y lluniau yma nôl i fy gronfa data Awdurdodau Gymraeg maes o law. Cofion Jason.nlw (sgwrs) 14:43, 9 Ebrill 2025 (UTC)Ateb

Helô bawb! Mae’r gwanwyn wedi cyrraedd, ac yma yn Wikimedia UK rydyn ni’n troi ein sylw at Wici'r Holl Ddaear Cymru. Bydd ein cydlynydd newydd yng Nghymru yn arwain adain Gymreig y gystadleuaeth. Ac un o’r pethau sydd ei angen arnom yw help efo’r beirniadu – os hoffech chi gymryd rhan, anfonwch e-bost ataf ar richard.nevellwikimedia.org.uk

Mae maint y gwaith dan sylw yn dibynnu ar nifer y ceisiadau a gawn. Yn y gorffennol, bu miloedd o luniau, felly gorau po fwyaf o bobl sydd gennym sy'n gallu helpu. Os cawn lawer o geisiadau, efallai y byddwn yn rhannu'r gwaith beirniadu yn ddwy ran: (1) proses sgrinio i lunio rhestr hir, a (2) cyfarfod rheithgor i benderfynu ar yr enillwyr. Byddech yn gallu cyfrannu at y cyntaf a dal cyflwyno lluniau ar gyfer y gystadleuaeth, ond peidiwch â gwneud hyn os oes gennych ddiddordeb mewn bod ar y rheithgor a fydd yn gwneud y penderfyniad terfynol. Richard Nevell (WMUK) (sgwrs) 09:13, 21 Mawrth 2025 (UTC)Ateb

Helo bawb, wedi bod yn dawel iawn yn 2025 yr unig gofnod dwi 'di sgwennu yw https://cy.wikipedia.org/wiki/Y_Llais_(rhaglen_deledu). Gweld nawr bod rhywun wedi creu cofnod Saesneg am Y Llais (ac yna erthygl hŷn am The Voice). Be' chi'n awgrymu? Cadw rhan gyntaf fy erthygl Gymraeg am Y Llais a newid y teitl i rhywbeth fel The Voice (cyfres masnachfraint) ac yna creu cofnod newydd (sef, i bob pwrpas, ail ran fy erthygl i ar Y Llais) fel confod newydd i ddolenni gyda'r cofnod Saesneg ar Y Llais. Dwi ddim eisiau i Saeson a phobl Cymraeg gweld bod 'na gofnod yn Saesneg am y Llais a dim un Cymraeg! Stefanik (sgwrs) 16:55, 31 Mawrth 2025 (UTC)Ateb

Mae rhywun arall wedi creu erthygl am y Llais o'r blaen - Y Llais. Rwy'n awgrymu disodli'r cynnwys yn y dudalen gwta yma gyda'r cynnwys o dy erthygl di, sydd o dan adran 'Y Llais Cymru'. Mae hwn yn cysylltu gyda'r erthygl tebyg ar en-wiki, sef https://en.wikipedia.org/wiki/Y_Llais

Wedyn gellid ail-enwi dy erthygl wreiddiol i "The Voice (masnachfraint)" a nodi ar hwnnw bod y fersiynau DU, Cymraeg a'r rhai rhyngwladol eraill. Dafyddt (sgwrs) 23:08, 31 Mawrth 2025 (UTC)Ateb

Gwych! Diolch Dafydd - lot fawr o help! Dwi wastad yn gweld pethau fel hyn yn ddryslyd! Wedi dilyn dy gyfarwyddiadau. Gobeithio bod yn edrych yn lân. Stefanik (sgwrs) 12:24, 1 Ebrill 2025 (UTC)Ateb

Mae'n edrych yn grêt. Dwi wedi addasu'r penawdau ychydig ar erthygl Y Llais. Falle bydd angen ail-drefnu eto ar gyfer ail gyfres. Dafyddt (sgwrs) 15:23, 1 Ebrill 2025 (UTC)Ateb

Byddwn ddathlu Wythnos Hanes Traws + (dolen yn Saesneg yn unig) drwy gynnal golygathon yn Llyfrgell Ganolog Caerdydd i greu a golygu erthyglau ynghylch pobol Draws yng Nghymru a digwyddiadau perthnasol. Cofrestriad a mwy o fanylion yma. Croeso cynnes i olygwyr newydd sbon a golygwyr profiadol.

Am rai sy’n eisiau ymuno ni yn rhithiol, wna i greu rhyw fath o “writing drive” - manylion llawn i ddilyn! Gemma Coleman (WMUK) (sgwrs) 15:08, 9 Ebrill 2025 (UTC)Ateb

I unrhyw un na all ymuno â ni yfory, mae cyfle i gymryd rhan ar-lein. Mae WMLGBT+ wedi creu golygathon rhithriol o'r 9fed i'r 18fed. Mae tudalen y prosiect a manylion yn Saesneg yn unig ond maen nhw wedi cadarnhau y byddan nhw'n cyfrif erthyglau newydd yn Gymraeg hefyd. Gemma Coleman (WMUK) (sgwrs) 10:25, 8 Mai 2025 (UTC)Ateb

Rydym gynllunio ar gyfer cyfarfod cymunedol ar-lein yn ddiweddarach eleni ar gyfer Celtic Knot (cynhadledd sy’n dathlu ieithoedd lleiafrifol). Byddem wrth ein bodd yn dysgu oddi wrthych beth hoffech chi ei weld.

Rydym wedi creu holiadur bach i ddysgu beth roedd yn llwyddiannus yn Celtic Knot 2024 a beth hoffech chi weld eleni. Mae’r arolwg yn agor i bobol sydd wedi mynychu’r gynhadledd llynedd a phobl gyda diddordeb am ddod i gyfarfod cymunedol ar-lein eleni. I gymryd rhan, ewch i https://docs.google.com/forms/d/e/1FAIpQLSccsyMDUDFYush1oBasvulH4Vsjp0hubrKS_9u_73LCVtbJ0Q/viewform?usp=dialog Gemma Coleman (WMUK) (sgwrs) 08:01, 17 Ebrill 2025 (UTC)Ateb

Mae'r holiadur uchod yn cau ar y 15fed Mai. Mae'r holiadur yn ar gael yn Saesneg, Cymraeg a Gwyddelig ond os mae'r holiadur ddim yn hygyrch amdanoch chi am unrhyw reswm, mae croeso mawr i chi anfon neges Wicipedia neu e-bost i fi (gemma.coleman@wikimedia.org.uk) i rannu eich barn neu drafod am ffyrdd well i chi cael eich dweud. Gemma Coleman (WMUK) (sgwrs) 09:56, 6 Mai 2025 (UTC)Ateb

Dwi'n chwilio am gyngor am gyfieithu'r term assist. Manylion ar y dudalen Cymorth Iaith. Diolch ymlaen llaw. Rhyswynne (sgwrs) 09:50, 25 Ebrill 2025 (UTC)Ateb

Wedi clywed ambell i sylwebydd Saesneg yn defnyddio'r term diwinyddol predestined wrth ddisgrifio assist rhagorol. Rhagarfaethiad neu tyngedfeniad yn y Gymraeg, oes modd siapio rhywbeth addas allan o'r geiriau hyn? AlwynapHuw (sgwrs) 13:14, 3 Mai 2025 (UTC)Ateb

I unrhyw un sydd ddim ar restr e-bost Wikimedia UK, maen nhw'n cynnig hyfforddiant "Train the Trainer" i helpu golygydd Wici/Wiki i ddysgu sut i hyfforddi pobl eraill i olygu Wikipedia (a Wicipedia). Maen nhw’n derbyn ceisiadau nawr, ond maen nhw yn enwedig yn eisiau clywed wrth olygyddion yng Nghymru. Mae’r terfyn amser yw Dydd Llun (19eg Mai) ond mae mwy o fanylion ar y wefan ac am unrhyw gwestiynau, plîs cysylltwch fy nghydweithiwr Rupal Karia at rupal.karia@wikimedia.org.uk. Gemma Coleman (WMUK) (sgwrs) 09:09, 15 Mai 2025 (UTC)Ateb

Rwy'n ddyfod yn bensiynwr henoed ym mhen dau fis, pensiynwr sydd wedi byw ers yn laslanc efo "technoleg newydd" y cyfrifiadur. Ers ei chychwyn rwyf wedi ceisio cyfraniadau pytiau bach o'i ddefnydd at iws yr Iaith Gymraeg.

Y cwestiwn fawr, ar Wici Saesneg ar hyn o bryd, yw defnyddio "Deallusrwydd Artiffisial". Rhywbeth rwy'n gwybod dim oll amdani.

Mae Wici Saesneg yn gyfan gwbl yn ei erbyn, am resymau rwy'n ddeall a chefnogi. Ond be ydy barn Wici Cymraeg?

Mae dros 200 miliwn o ddefnyddwyr weithgar ar Wkii Saesneg, a llai na neb ar rai o'r prosiectau Cymraeg, a ydi'r gwrthwynebiad Saesnig yn berthnasol i'n ofynion ni?

Yn bwysicaf:—Ydy AI yn gallu ymateb i ymofynion y Gymraeg?

Os yw:—

A oes modd i AI gwella eginon (or niferus) ein wici er gwell?

A all cwestiwn AI sy'n ofyn am dalfyriad o lyfr neu hanes awdur ar wicidestun bod yn gychwyn erthygl newydd a chyfannu at werth y naill brosiect a'r llall?

A all chwiliadau trwy enghreifftiau o'r un eiriau poblogi Wici ddyfynnu?

A all AI cyfrannu erthyglau newydd sbon unigryw i Wicipedia?

Dechrau sgwrs bydd ei angen yn y Gymraeg am yn hir mae'n, debyg!

AlwynapHuw (sgwrs) 01:08, 13 Mehefin 2025 (UTC)Ateb

Dw i fawr o arbenigydd chwaith! Ond o'r hyn dw i'n ei ddeall, mae technoleg model iaith mawr yn debyg iawn i'r hyn sydd tu ôl i gyfieithu peirianyddol.

Yn hynny o beth, byddai testun Cymraeg wedi ei greu gan beiriant o'r fath yn dueddol o edrych yn dda ar yr olwg gynta (termau technegol! treigladau!) ond o'i ddarllen yn ofalus byddai'n llawn cam-gyfieithu, cyfieithiadau benthyg ac ati yn ogystal â'r problemau cyffredinol sydd wedi eu trafod ar en:

Onid oes gan wicipedia (y wefan Gymraeg fwyaf?) rôl allweddol yn hyn oll fel corpws? Po fwyaf o destun wedi ei ysgrifennu yn Gymraeg gan fodau dynol sydd yma, po gorau bydd y botiaid yn medru ateb cwestiynau'n Gymraeg yn y dyfodol.

Dw i ddim yn gweld "deallusrwydd artiffisial" yn ffordd o greu mwy o gynnwys fel y cyfryw. Ond fe allai fod yn declyn gwerthfawr i hwyluso a chyflymu gwaith golygwyr. O syniadau @AlwynapHuw uchod, drwgdybus fyddai fy ymateb i geisio "gwella eginon" a "cyfrannu erthyglau sbon" yn y fath fodd, ond dw i'n gweld potensial yn y talfyrru a'r croesgyfeirio.

Syniad arall - o greu erthygl newydd am bwnc astrus, allai gofyn i chatbot am esboniad cryno mewn Cymraeg syml fod yn fan cychwyn gwell na chyfieithiad peirianyddol hir o'r wiki mawr? Mae cyfieithiadau'n ymddangos yma sy'n edrych i mi eu bod nhw y tu hwnt i stamina neu allu cyfranwyr i'w prawfddarllen, oherwydd bod yr erthygl wreiddiol mor faith (a weithiau'n aneglur neu'n cynnwys manylion di-angen). Oni ellid cyfarwyddo bot yn benodol i greu 100, 500 neu 1000 o eiriau rhwydd eu darllen, a fyddai felly o fewn ein gallu i'w wirio fesul ffaith a'i wella? Llygad Ebrill (sgwrs) 09:27, 13 Mehefin 2025 (UTC)Ateb

Yn fy marn i, tasai rhywun yn defnyddio AI er mwyn creu mwy o destun na gall ei wirio a'i gywiro, byddai hyn yn gamgymeriad mawr. Yr unig ffordd gyfrifol o'i ddefnyddio yw cyfyngu maint yr allbwn i'r hyn y mae gan y cyfrannwr ddigon o amser ac arbenigedd i'w wirio. Os yw rhywun eisiau darllen allbwn amrwd rhyw AI neu'i gilydd, mae'n gallu ei ddefnyddio ar ei g/chyfer ei hun yn uniongyrchol, does dim angen darllen Wicipedia o gwbl i gael hynny. Oni bai bod y cynnwys yma wedi'i guradu gan fodau dynol, dyw'r safle ddim yn cynnig gwerth ychwanegol.

Yn y bôn, rwyf yn cytuno â chi, mae'n debyg.

Y 2020 fel rhan o ymgyrch Categori:Prosiect WiciLlên mi ysgrifennais erthygl gynhwysfawr am lyfr Louisa May Alcott Little Women. Mae'r erthygl am y llyfr wedi ei ddisodli gan erthygl bot am ffilm o'r un enw, ond does dim modd ail adfer yr erthygl am y llyfr. Ysgrifennais erthygl hir am Lucille Ball, sydd wedi ei droi yn erthygl ychydig frawddegau gan fot. Mae nifer o'r erthyglau rwyf wedi eu hysgrifennu am ffilmiau efo cysylltiad Cymreig wedi eu disodli gan erthyglau bot. Yn drist o ystyried eu bod yn cynnwys gwybodaeth unigryw Gymreig yn hytrach na data noeth. O ddefnyddio botiau i greu erthyglau a oes modd gwneud rhywbeth i sicrhau nad ydynt yn disodli erthyglau mae rhai ohonom wedi chwysu i'w creu? AlwynapHuw (sgwrs) 01:47, 14 Mehefin 2025 (UTC)Ateb

Mae gen ti dri mater yn fama.

1. Disodli 'erthygl gynhwysfawr' gen ti am y llyfr Little Women.

2. Dileu dy 'erthygl hir' am Lucille Ball.

3. Fod yna fot wedi dileu erthyglau eraill gen ti.

1. Pan fo golygydd yn disodli, yn ail-sgwennu, yn dileu erthygl, mae'r gwreiddiol yn parhau o dan y wyneb, i'w weld o chwilio amdano. Mae'n bron yn amhosibl cuddio gwybodaeth ar WP - dw i'n meddwl mai rhyw bedair gwaith mae hyn wedi digwydd, i mi ei gofio, a hynny ar ol cytundeb i wneud hynny yn y Caffi, ac oherwydd posibilrwydd o achos llys. Nid ar chware bach mae gwneud hyn: ac mae'r log 'cuddio' yn dangos beth a pham y cuddiwyd y wybodaeth. Felly, os wyt wedi creu erthygl ar y llyfr Little Women yna mae'n dal yno yn rhywle. Wyt ti'n cofio'r union deitl? 'Little Women (llyfr)' neu ei debyg? Gelli ganfod hyn yn dy restr 'Fy Nghyfraniadau' a chyfyngu'r chwiliad o ran blynyddoedd. O edrych ar y dudalen (ailgyfeirio erbyn heddiw) Little Women, fe weli na fu erthygl o unrhyw fath o dan yr enw yma. Ailgyfeiriad yn unig. Cyn y dudalen hon roedd tudalen arall yn bodoli gyda'r un enw cyn ei symud i Little Women (ffilm 1949); byddai unrhyw destun cynharach am lyfr i'w weld yma, neu gyfeiriad ei fod wedi ei guddio. Does dim, ac nid oedd yr erthygl bresennol yn disodli na'n dileu erthygl gynharach, fel y gweli [1]. Felly hefyd gyda Little Women (ffilm 1994) - does dim erthygl gynharach wedi ei rhagflaenu hi. Felly tyrd ag enw'r erthygl am y llyfr a sgwennaist a gallwn weld ei hanes.

2. Dileu dy 'erthygl hir' am Lucille Ball. Ti gychwynodd yr erthygl hon, fel y gwyddost. Wedi i ti ei chwbwlhau: dyma sut yr edrychai:

---

---

Yn sicr, nid oedd yn 'erthygl hir'.

A dyma sut mae'n edrych heddiw:

---

Fel y gweli, does dim byd wedi ei ddisodli, a dim erthygl newydd wedi ei chreu yn ei lle. Do, newidiwyd llun o wrthrych yr erthygl o hen lun ohoni gyda pherson arall i lun gwell o fewn y wybodlen. Efallai dy fod yn cyfeirio at osod gwybodlen newydd, pan ddisgrifiwyd hynny fel 'erthygl newydd' yn hytrach na 'gwybodlen newydd'. Ond gelli weld ar unwaith mai gwybodlen a osodwyd, yma.

3. Fod yna fot wedi dileu erthyglau eraill gen ti. Alwyn - ni wnaeth yr un bot (a dau sydd gennym) ddileu unrhyw erthygl. Os oedd erthygl yn bodoli, mae'r bot yn rhewi a disgwyl i berson wneud penderfyniad - fel arfer pasio'r erthygl sy'n bodoli mae rheolwr y bot. Pe bai rheolwr y bot yn dymuno creu erthygl dros (dyweder) un frawddeg o erthygl lipa, yna gall nweud hynny - ond rheolwr y bot sy'n gwneud y penderfyniad ac NID y bot. Os wnei di roi enwau erthyglau sydd wedi eu dileu , yna gallaf edrych i fewn iddyn nhw bob yn un. Llywelyn2000 (sgwrs) 05:58, 14 Mehefin 2025 (UTC)Ateb

Dyma'r cofnod o erthyglau ac ailgyfeiriadau a greodd Alwyn yn 2020; gobeithio ei fod yn gyflawn. Fe welaf i Anne of Green Gables, ond dim Little Women. Ham II (sgwrs) 14:21, 23 Mehefin 2025 (UTC)Ateb

Does gan yr erthygl presenol am Lucille Ball dim oll i wneud efo fi, fe grewyd gan erthygl bot. Siomedig bod fy enw dal yn y rhestr cyfranwyr. AlwynapHuw (sgwrs) 02:27, 26 Hydref 2025 (UTC)Ateb

Helo! Oes unrhyw un yma gyda diddordeb mewn ffotograffiaeth? Rydym yn hapus i gyhoeddi roedd Wici'r Holl Ddaear 2025 yng Nghymru wedi agor ar Fehefin 1af ac yn rhedeg tan 31ain Gorffennaf. Ewch i dudalen y gystadleuaeth i ddarllen y rheolau: Commons:Wiki Loves Earth 2025 in Wales Yna gallwch ddarganfod sut i gymryd rhan yn y gystadleuaeth.

Hefyd, os oes gennych ddiddordeb mewn cynnal rhyw fath o "Wiki Walk" neu ddigwyddiad arall ar gyfer Wici Holl Ddaear dwi’n fwy na hapus i gynnig help neu gymorth - mae fy nghyfeiriad e-bost yw'r ffordd orau o gysylltu â mi (gemma.coleman@wikimedia.org.uk). Gemma Coleman (WMUK) (sgwrs) 12:57, 23 Mehefin 2025 (UTC)Ateb

Sut hwyl. Dwi newydd sylwi nad yw'r switsis gweinyddu ar gyfer Aelodau Seneddol cyfredol yn cael eu pwyntio at erthyglau perthnasol, neu rhai o leiaf. Sylwais mai enw Wayne David (Aelod Seneddol Caerffili hyd at etholiad 2024) sy'n ymddangos ar dudalen Cefn Mabli, e.e, gan mai Nodyn:Swits Caerffili i enw'r AS sydd yno, tra dylai fod yn Nodyn:Swits Caerffili i enw AS y DU, sy'n cyd-fynd â'r ffiniau newydd. Oes modd awtomeiddio'r peth? Mae'n anodd debyg gyda'r newid ffiniau. Ac, wrth gwrs, bydd hyn yn codi wedi etholiad nesaf y Senedd hefyd. Rhyswynne (sgwrs) 07:32, 2 Gorffennaf 2025 (UTC)Ateb

Dwi ddim yn meddwl fy mod i'n deall beth yw pwrpas y nodyn, beth bynnag. Deb (sgwrs) 07:41, 2 Gorffennaf 2025 (UTC)Ateb

Mae'r nodyn, ac un ar gyfer Aeldau o'r Senedd, wedi cael eu gosod ar erthyglau am wardiau, pentrefi, trefi ayyb, wedyn mae'n dangos pwy yw'r Aelod Seneddol ac Aelodau o'r Senedd sy'n cynrychioli'r lle. Mae'r wybodaeth yn dod o Wikidata dwi'n meddwl ac felly'n cael ei ddiweddaru yn awtomatig - ond yn amlwg mae'n rhaid sicrhau bod y nodyn diweddaraf mewn lleǃ Rhyswynne (sgwrs) 08:03, 2 Gorffennaf 2025 (UTC)Ateb

Ah. Dw i'n gweld. Deb (sgwrs) 05:51, 3 Gorffennaf 2025 (UTC)Ateb

Newydd weld hwn - diolch Rhys. Deb - mae'r swits, fel mae Rhys yn dweud, yn gwneud pethau'n haws (pan fo ar yr erthyglau cywir!): mae nhw ar tua 6,000 o erthyglau, ac mae ychwanegu'r enw newydd ar Wicidata, yn dilyn etholiad, llawer haws na be mae nhw'n ei wneud ar en-wici - newid POB erthygl efo llaw a llygad! Dyna'r dewis: naill ai defnyddio switys a newid rhyw 30 o dudalennau, neu peidio defnyddio switsys a newid dros 6,000 o dudalennau.

Rhyswynne - o sbio'n sydyn, fasa ailgyfeiriad o Nodyn:Swits Caerffili i enw'r AS i Nodyn:Swits Caerffili i enw AS y DU yn ateb y broblem? Neu a newidiwyd y ffiniau? Mi fedrai roi amser i hwn tua canol yr wythnos, ond nid ar hyn o bryd.

Yr hen swits yw'r cyntaf (Hydref 2018); ychwanegais 'y DU' er mwyn ei gwneud hi'n hollol glir pa Senedd y cyfeirir ati (Caerdydd neu Lunden): felly crewyd Nodyn:Swits Caerffili i enw AS y DU (Gorff 2024). Unwaith y mae'r switsys hyn yn eu lle, mae pethe'n haws mewn theori, ond gan fod canfod pa bentref sydd ym mha etholaeth yn cymryd amser, mae yma rai llefydd heb swits o gwbwl ac eraill yn siwr o fod yn yr etholaeth anghywir! Problem arall sydd am godi yn y flwyddyn nesaf ydy ailwampio etholaethau'r Etholiad Cyffredinol lle y bydd uno hen etholaethau i greu etholaeth newydd. Bydd hyn yn dipyn o dasg, ond yn llawer haws na llaw a llygad. Mae defnyddio'r bot efo pethau fel hyn yn hanfodol, ac yn hawdd iawn! Cofion cynnes a diolch am godi hyn. Llywelyn2000 (sgwrs) 12:06, 6 Gorffennaf 2025 (UTC)Ateb

Yn anffodus, o edrych ar erthygl yr etholaeth ar en-wici, mae'r ffiniau wedi newid er bod yr enw wedi'i gadw. Os yw'r swits ar 6,000 o erthyglau, dwin cymryd bod hyn wedi ei wneud drwy ddefnyddio cyfeirnodau daearyddol i weld ble sy'n syrthio o dan pa etholaeth. Mae tu hwnt i'm gallu i, ond dwi'n cymryd unwaith bod ffiniau'r etholaethau newydd wedi eu bwydo i mewn, bydd yn gymharol hawdd dosbarthu'r 6,000 rhwng y rai newydd. Rhyswynne (sgwrs) 11:08, 8 Gorffennaf 2025 (UTC)Ateb

Fel hyn yr aethpwyd ati: cym olwg ar Caerffili_(etholaeth_seneddol)#Ffiniau, ac fe weli restr o wardiau sydd gan amlaf hefyd yn cynnwys pentrefi unigol. Felly'r cam cyntaf oedd creu'r erthygl hon (Caerffili_(etholaeth_seneddol), a'i thebyg) gyda'r wardiau wedi eu rhestru yn yr erthygl. Rhois pob ward (categori'r ward) yn y bot a chreu rhest o erthyglau o bentrefi a threfi yn y wardiau hynny. Yna ychwanegwyd y wybodaeth i'r erthyglau hyn ee Abertridwr, Bedwas, Cefn Fforest. So good so far! Ond, o fewn cymuned Bedwas ceir nifer o bentrefi eraill ee Graig-y-rhaca... ac ni wnaeth y bot eu newid. Ond mi i wnes rhai ee Tretomos gyda llaw a llygad. Fel soniais, dw i'n meddwl y gwneith ail-gyfeirio drwsio'r hen stwitch, os yw yno. Os nad oes switch yno, bydd rhaid ei gynnwys, wrth gwrs. Tydy BOT-Twm Crys ddim yn gweithio y dyddiau yma, felly bydd angen i mi wneud cais i'w ailddechrau. Yn y cyfamser, mi wna i ambell brawf fy hun. Diolch eto am dy amynedd. Llywelyn2000 (sgwrs) 12:47, 8 Gorffennaf 2025 (UTC)Ateb

' unwaith bod ffiniau'r etholaethau newydd wedi eu bwydo i mewn, bydd yn gymharol hawdd dosbarthu'r 6,000 rhwng y rai newydd' - cywir! Gobeithio na fydd ymyrryd a'r ffiniau am ganrif neu ddwy! Llywelyn2000 (sgwrs) 12:48, 8 Gorffennaf 2025 (UTC)Ateb

Newydd gwpla Etholaeth Caerffili. Rhyswynne - wneid di wiro y rhain os g yn dda, cyn i mi symud ymlaen i'r gweddill. Mae Powys yn enfawr (os cofiaf yn iawn, mae bron cymaint a gweddill Cymru, o ran nifer yr anheddiadau). Ac wrth gwrs, mae na ailwampio'r ffiniau eto mewn chydig fisoedd! Llywelyn2000 (sgwrs) 17:02, 8 Gorffennaf 2025 (UTC)Ateb

Mae cyfeiriad at ddileu'r hen switsis: yn fama (rhif 4), gyda nodyn 'AR y gweill' arno! Llywelyn2000 (sgwrs) 08:04, 9 Gorffennaf 2025 (UTC)Ateb

Dwi heb fod drwy pethau'n fanwl, ond o edrych ar y wardiau a restrir yn Caerffili_(etholaeth_seneddol)#Ffiniau, mae Pengam yn cynnwys gwybodaeth am Aelod Seneddol gwahanol a hefyd Aelod y Senedd dros Islwyn (ond dydy'r sedd honno heb newid eto). Falle nad gwall yw hyn, a bod jest angen tynnu Pengam o'r rhestr - mae ar y ffin dwi'n meddwl, ond dwi'n brysur rwan (yn cofnodi pleidlais ar Fil yn y Senedd digwydd bodǃ), jest eisiau nodi nad yw popeth wedi'i wirio cyn i ti fwrw ymlaen ymhellach. Rhyswynne (sgwrs) 09:01, 9 Gorffennaf 2025 (UTC)Ateb

Newydd weld dy fod wedi golygu Nantglyn @Llywelyn2000. Es am sbec, a wedyn sylwi ei fod dal yn dangos David Jones (gwleidydd Cymreig) fel yr Aelod Seneddol. Collodd ei sedd yn 2024, ond mae'r swits yn pwyntio at hen sedd/ffiniau cyn etholid seneddol 2024, sy'n felly'n egluro hynny. Mae eisiau diweddau erthygl DJ hefyd, ond mater arall yw hynny. Rhyswynne (sgwrs) 17:39, 12 Tachwedd 2025 (UTC)Ateb

Mae'r calendr misol yn wallus - ers ryw 4 mlynedd. Dw i di trwsio'r flwyddyn (!); oes na rywun a all fwrw golwg ar y 12 Nodyn os g yn dda? Er enghraifft: mae Nodyn:Gorffennaf yn gywir ond: 1. ydy e'n gywir y flwyddyn nesaf? 2. Mae'n dechrau ar ddydd Sul (a'r gweddill ar ddydd Llun). Os nad oes, yna mi alla i (neu rywun arall, plis) fewnforio Template:Calendar o en. Mae amser yn brin, sorri, a chymaint i'w wneud. Llywelyn2000 (sgwrs) 06:45, 6 Gorffennaf 2025 (UTC)Ateb

Rwy'n hapus i wneud yr hyn y gallaf gyda hyn. Fodd bynnag, mae fy nghalon yn suddo pan edrychaf ar god Template:Calendar. Tybed a yw'n werth yr ymdrech o fewnforio'r cyfan. Efallai y byddai'n haws gwneud y gwaith â llaw yn flynyddol. Craigysgafn (sgwrs) 15:13, 6 Gorffennaf 2025 (UTC)Ateb

Rwy wedi trwsio y calendar misoedd ar gyfer 2025. Rwy hefyd wedi mewnforio bron popeth sydd angen ar gyfer y calendr. Dyma'r peth yn gweithio yn fy mhwll tywod . Dau beth i benderfynu - ydyn ni eisiau'r wythnos i ddechrau ar ddydd Llun (fel mae e nawr). Mi fydd y dolenni i'r misoedd blaenorol/nesaf yn diflannu. Mae'n bosib bydd yn cael rhein nôl fewn ond bydd angen addasu y nodyn ychydig (heb edrych rhy ddwfn ar hyn eto). Dafyddt (sgwrs) 16:27, 6 Gorffennaf 2025 (UTC)Ateb

Gwych! Diolch Dafydd! Piti nad yw'n bosib otomeiddio hyn, neu bydd angen ailwampio'n flynyddol. Un sal ydw i am gofio'r math yma o beth! ON Mae dechrau ar ddydd Llun yn iawn gen i: llai o grefydd! ;-) Llywelyn2000 (sgwrs) 11:24, 7 Gorffennaf 2025 (UTC)Ateb

Rwy wedi diweddaru nodyn Gorffennaf i ddefnyddio y nodyn Calendar. Dwi ddim yn or-hoff o'r ddolen "rhestr holl ddiwrnodau.." felly mae angen ystyried cadw/dileu hwnnw. Byddai diweddaru diwyg y dudalen ei hun yn help hefyd. Gweler y newid ar 8 Gorffennaf Dafyddt (sgwrs) 18:58, 8 Gorffennaf 2025 (UTC)Ateb

Bendigedig! Mae'n edrych yn gret! Llywelyn2000 (sgwrs) 11:44, 16 Gorffennaf 2025 (UTC)Ateb

Ymddiheuriadau mawr am y rhybudd byr ond dwi jest wedi darganfod mae cyd-weithiwr fi yn cynnal sesiwn ar-lein yfory i ddysgu pobol sut i gyfieithu erthyglau ar Wiki. Bydd y sesiwn yn cael ei chynnal yn y Saesneg ond mae croeso mawr i bobol cyfieithu rhwng unrhyw ieithoedd gallant nhw ysgrifennu mewn yn hyfedr. Am fwy o fanylion neu i gofrestru ewch ihttps://leeds.libcal.com/calendar/openresearch/wiki_translate Gemma Coleman (WMUK) (sgwrs) 10:56, 29 Gorffennaf 2025 (UTC)Ateb

Drwy gyd-ddigwyddiad, roeddwn yn Leeds wythnos diwethaf, ond ar gyfer arddangosfa yn Llygell y Ddinas (am le gwych), nid un y brifysgol. Dwi'n meddwl y byddai yna dipyn o ddiddordeb mewn gweithdai o'r fath yng Nghymru, ar gyfer y Gymraeg ac ieithoedd eraill. Rhyswynne (sgwrs) 09:28, 4 Awst 2025 (UTC)Ateb

Diolch @Rhyswynne - roedd yr arddangosfa yn edrych yn wych (a hefyd, achos dwi'n dod o Lanelli yn wreiddiol, dwi'n fel arfer anghofio am bêl droed, felly diolch am yr atgoffiad!). Dwi'n cytuno'n llwyr â chi ac roedd yn wych i glywed wrth fy nghyd-weithiwr roedd y sesiwn cyfieithu yn Leeds yn llwyddiant mawr. Pan hi'n dod yn ôl ar ôl ei gwyliau hi, dwi wedi gofyn am gyfarfod gyda hi ac un o'r pethau i drafod yw beth ddysgodd hi er mwyn meddwl am wneud rhywbeth tebyg. Os mae unrhyw un yma gydag awgrymiadau, cysylltiadau neu ddiddordeb am gefnogi rhywbeth fel hyn yng Nghymru neu ar lein, rhowch wybod i fi (neges Wicipedia neu gemma.coleman@wikimedia.org.uk). Gemma Coleman (WMUK) (sgwrs) 08:38, 13 Awst 2025 (UTC)Ateb

Dw i di creu'r map yma i fynd efo erthygl ar y cynnig yma: File:Y cynnig gan Loegr i drosgwyddo dwr o Gymru er mwyn cyflawni Llundain.jpg a fersiwn Saesneg hefyd. Mae wirioneddol angen erthygl ar y cynnig yma, sy;n tarddu o Loegr, ond does gen i ddim amser ar hyn o bryd! Plis fedar rhywun fynd ati. Bydd angen tipyn o ymchwil, gan nad oes llawer o ffynonellau cadarn, hyd y gwela i. Diolch o galon! Llywelyn2000 (sgwrs) 17:40, 4 Awst 2025 (UTC)Ateb

Pwnc sydd wedi ei godi ar dudalen ddefnyddiwr, sy werth ei ehangu er wybodaeth. Mae gan Wikipedia llyfrgell sy'n caniatáu mynediad i ddefnyddwyr rheolaidd. Mae'r aelodaeth yn gyfunedig i bobl sydd wedi gwneud nifer penodol o olygiadau. Mae manylion ar gael ar https://wikipedialibrary.wmflabs.org/ Mae'n werth cael aelodaeth gan ei fod yn rhoi mynediad rhad i nifer fawr o gasgliadau ymchwil sydd fel arfer yn costio ffortiwn i'w gweld. Mae modd i bobl sydd â chod post yng Nghymru defnyddio Adnoddau Allanol Y Llyfrgell Genedlaethol trwy wneud cais am docyn llyfrgell https://psr.llgc.org.uk/psr/psr/register/cy/personal Mae gan y rhan fwyaf o lyfrgelloedd sirol hefyd mynediad i adnoddau allanol, cylchgronau, ac e-lyfrau cyfoes, am ddim, trwy docyn aelodaeth. Pob un yn gallu bod o werth i gyfranwyr Wicipedia AlwynapHuw (sgwrs) 02:01, 10 Awst 2025 (UTC)Ateb

Bore da! Dyma'r math o fap sydd gennym ar wledydd Ewrop heddiw, ac mae yno ers dros 10 mlynedd ee Gwlad Belg:

Mae'r map / diagram yma wedi fy mhoeni ers tro gan nad yw'n dangos ffiniau'r Alban na Chymru (a gwledydd eraill, ond am y tro dwi am ganolbwyntio ar y ddwy wlad agosaf at 95% o Gymry). Mae'r map hefyd yn colli cyfle - o liwio / amlygu Cymru hithau, gallwn weld yn gliriach lleoliad y ddwy wlad i'w gilydd a maint y ddwy wlad yn gliriach.

Dyma'r map dw i'n ei hargymell (gyda ffiniau'r Alban a Chymru'n hollol glir!):

Dim ond hon (Gwlad Belg) sydd ar Comin ar hyn o bryd ond os cytunwch, yna mi uwchlwythai fap tebyg ar gyfer holl wledydd Ewrop a'u gosod yn y gwybodlenni. gyda gwledydd bach pitw fel Andorra a Malta, gallwn roi cylch o'u cwmpas. Gwendid y map presennol yw nad ydyn nhw i'w gweld o gwbwl! Llywelyn2000 (sgwrs) 06:56, 21 Awst 2025 (UTC)Ateb

Mae hynny'n welliant enfawr, ac mae'n ddadlennol iawn yn ei gyd-destun ar dudalen Gwlad Belg. Mae'n edrych fel y byddai'n llawer o waith i ti... Craigysgafn (sgwrs) 07:57, 21 Awst 2025 (UTC)Ateb

Gwych! Ie cyfaddawd call dw i'n meddwl - gellid dadlau yn erbyn cynnwys ffiniau gwladwriaethau yn y cefndir, ond yn gam neu'n gymwys maen nhw'n rhan gyfarwydd o fap Ewrop i lawer ohonom. Os yw'r un dull yn bosib ar gyfer tudalennau Gwlad y Basg, Llydaw, Catalwnia, Països Catalans (ac ati...) fe fyddai'r mapiau'n gwella'r tudalennau hynny hefyd. Llygad Ebrill (sgwrs) 13:27, 21 Awst 2025 (UTC)Ateb

Diolch eich dau. Problem fawr Comin (ac en-wici) yw hyn: mae'r ddwy gymuned, yn dilyn 15 mlynedd o ddadlau, bellach yn derbyn bod Cymru a'r Alban yn wledydd. Dydyn nhw ddim yn derbyn fod Cernyw, Gwlad y Basg na Chatalwnia'n wledydd.

Er mwyn cadw'r mapiau ar Comin dw i wedi gwneud ffiniau'r dair wlad yma ychydig yn ysgafnach; dw i ddim yn meddwl y bydd cais i'w dileu. Ar dudalen Astwrias, Galithia ayb mi wnaf fapiau unigol, ond byddai cymhlethu'r status quo drwy ychwanegu cant-a-mil o ffiniau sydd heb eu cydnabod yn lleihau ein dadl ni yng Nghymru. Mae'r map wedi'i diweddaru, ond bydd yn rhaid i chi adfywio celc eich cyfrifiadur er mwyn gweld y newidiadau - ffiniau Catalwnia, Gwlad y Basg a Chernyw. Llywelyn2000 (sgwrs) 07:14, 22 Awst 2025 (UTC)Ateb

Gallaf greu dau lun: un manwl fel hwn ar y chwith yn yr erthygl ar Gwlad Belg, yn cymharu maint a lleoliad Gwlad Belg o'i gymharu a Chymru. Yr ail lun yw'r un yn y wybodldnDw i ddim mor siwr o'r ail ddelwedd - yr un yn y wybodlen lle mae coch Cymru'n rhy drwm, yn tynnu sylw ato'i hun yn ormodol? Efallai, coch ysgafn? Llywelyn2000 (sgwrs) 09:08, 22 Awst 2025 (UTC)Ateb

Mae'r map cymharu bach yn wych ac mae'r map yn y gwybodlen yn llawer gwell na'r hen un, ond dydw i ddim yn argyhoeddig bod angen i ni bwysleisio safle Cymru mor amlwg. Byddai coch ysgafn yn well. Craigysgafn (sgwrs) 21:18, 22 Awst 2025 (UTC)Ateb

Dw i wedi ychwanegu Llydaw. Efallai nad oes angen lliw gwahanol ar Gymru yn y Wybodlen:

Drwy wneud Cymru'n ddi-liw (wel, lliw hufen golau), byddai'n bosib eu hychwanegu hefyd ar WP Cernyweg ayb. Llywelyn2000 (sgwrs) 04:16, 23 Awst 2025 (UTC)Ateb

Gan nad oedd gwrthwynebiad mi uwchlwythais ryw ddeunaw o wledydd lleiaf Ewrop (cymharu dwy wlad) ar Commons:Category:Bilateral maps of Wales, a'u hychwanegu ar yr erthyglau cyfatebol. Llywelyn2000 (sgwrs) 08:27, 24 Awst 2025 (UTC)Ateb

Bore da! Ymddiheuriadau rhag blaen os oes ateb eisoes i'm cais, ymhlith byrddau eraill y Caffi! Ond hoffwn wybod beth yw'r polisi [os oes polisi!] ynghylch pan fo dau ddarn o waith llenyddol yn rhannu'r un enw? Er enghraifft, fe ddois ar draws drama gan Gwilym R. Jones o'r enw Yr Argae sy'n dyddio o'r 1950au, ond sylwais fod drama arall o dan yr un enw, sef cyfieithiad Wil Sam o ddrama The Weir a gyhoeddwyd yn y 2000au. Yn yr achos yma, dwi wedi llwyddo i alw drama Gwilym R yn Yr Argae (drama radio) gan mai drama radio oedd hi'n wreiddiol, ond petai'r achos yn codi eto [ac mae'n siwr o wneud!] sut mae gwahaniaethu rhyngddynt? Ai drwy ddyddiad - Yr Argae (2008) Yr Argae (1954) neu oes dull arall a gymeradwyir? Diolch Paulpesda (sgwrs) 08:56, 25 Awst 2025 (UTC)Ateb

Dwi ddim yn meddwl bod gennym ni bolisi "swyddogol" ar hyn. Wrth reswm, os byddwch chi'n dod ar draws teitl dyblyg, yna mae angen i chi ddelio ag ef. A chan fod angen i chi addasu teitl y tudalen (gyda rhywbeth mewn cromfachau), yna man a man ichi wneud gwaith da arni. Felly Yr Argae (drama 2008) ac Yr Argae (drama 1954), neu Yr Argae (drama Wil Sam) ac Yr Argae (drama Gwilym R. Jones) yn hytrach na Yr Argae (2008) ac Yr Argae (1954). (Dw i jyst yn dyfeisio'r manylion yma.) Mae hyn yn helpu i leihau'r posibilrwydd o wrthdaro â gweithiau eraill o'r un enw yn y dyfodol (llyfrau, ffilmiau, addasiadau teledu, ac ati; awduron eraill). Ond mater of synnwyr cyffredin yw hi. Allwn ni ddim rhagweld pob gwrthdaro a allai godi yn y dyfodol. Gellir addasu teitlau pan fydd problemau'n codi. Os ydw i'n amau ​​bod gwrthdaro posibl, dw i'n edrych o dan "Beth sy'n cysylltu yma" ym Mlwch offer y tudalen, a'i drwsio os oes angen. Dydw i ddim yn siŵr a yw hynny'n llawer o gymorth... Craigysgafn (sgwrs) 10:11, 25 Awst 2025 (UTC)Ateb

diolch, ydi, cymorth da iawn. Paulpesda (sgwrs) 10:38, 25 Awst 2025 (UTC)Ateb

Nodyn bach i dynnu sylw at y digwyddiad ar-lein "Celtic Knot" sy'n digwydd ar 23 Medi. Mae "Celtic Knot" yn gyfle i gysylltu â golygwyr eraill sy'n golygu ar Wikipedias mewn ieithoedd eraill, yn enwedig ieithoedd Celtaidd ac ieithoedd lleiafrifol. Un o'r siaradwyr bydd ein @Jason.nlw sy'n trafod am sut gall y cyhoedd gweithio gydag awdurdodau fel Comisynydd y Gymraeg i greu, wella a chael mynediad at ddata.

Mwy o fanylion yma. (Ymddiheuriadau mawr, mae'r tudalen yn Saesneg yn unig ar hyn o fryd achos dwi ddim wedi cael yr amser i gyfieithu. Ond os oes unrhyw un arall yn awyddus i gyfieithu, mae croeso mawr iddyn nhw a byddwn i'n ddiolchgar iawn am yr help!) Gemma Coleman (WMUK) (sgwrs) 08:51, 28 Awst 2025 (UTC)Ateb

S'mae bawb. Cwewstiwn o bolisi golygyddol. Pan fo gan waith llenyddol hanes cyhoeddi cymhleth, mae nifer o ddehongliadau posib ynglyn â phryd yn union yw dyddiad cyhoeddi y gwaith. Gall hyn fod yn berthnasol at unrhyw waith llenyddol ond mae'n neilltuol o berthnasol yn achosion hen nofelau, oedd yn tueddu ymddangos fel cyfresi cylchgrawn/papur newydd yn gyntaf, ac fel cyfrol dim ond yn ddiweddarach, weithiau degawdau'n ddiweddarach (os o gwbl).

Ystyriwn llyfr fel Lona er enghraifft - sydd ar hyn o bryd yn y categori "Llyfrau Cymreig 1923". Yn 1923 ymddangosodd y gwaith fel llyfr am y tro cyntaf. Fodd bynnag, roedd y nofel wedi ymddangos fel cyfres mewn cylchgrawn yn 1908. Cafodd ei hail-gyhoeddi drachefn yn 2024. Felly mae dadl digon dilys dros ei rhoi yn y categoriau "Nofelau 1908", "Llyfrau Cymreig 1923", "Llyfrau Cymreig 2024"; ac o bosib hefyd "Llyfrau Cymreig 1908", "Nofelau 1923" a "Nofelau 2024". Ydych chi'n credu y dylid rhestri gwaith

1) dim ond mewn un categori blwyddyn (ac os felly pa un).

2) ym mhob blwyddyn a chategori perthnasol

3) mewn rhai ond nid eraill (ac os felly pa rai)

Cwestiwn cysylltiedig yw a yw'r categoriau "Nofel" a "Llyfrau" yn cyfeirio at y blwyddyn pan ysgrifennwyd y gwaith llenyddol neu pan gyhoeddwyd y gwaith, gan gofio bod modd i'r rhain fod yn wahanol iawn i'w gilydd? Ac ydy'r diffiniad yr un fath yn y categori cyntaf ag yn yr ail gategori?

Yn fy marn i mae'n gwneud y synnwyr mwyaf rhestri Lona yn y categori "Nofelau 1908" oherwydd mai yn 1908 ysgrifennwyd y stori ac ymddangosodd y tro cyntaf un; gall ei rhestri yn y categoriau eraill awgrymu ei bod yn nofel "fodern" (neu nofel o'r 1920au) pan nad yw hi mewn gwirionedd. Ond ni ddylai fod yn "Llyfrau Cymreig 1908". Fodd bynnag roedd hi hefyd yn Lyfr a gyhoeddwyd yn 1923 a 2024 felly dylai fod yn y categoriau hynny hefyd, ond nid "Nofelau 1923" a "Nofelau 2024". Gobeithio bod hynny'n gwneud synnwyr? A defnyddio enghraifft hwyrach mwy adnabyddus: Dylai Y Dreflan (sydd ar hyn o bryd yn "Nofelau 1881" a "Llyfrau Cymreig 1881") fod yn "Nofelau 1879" a "Llyfrau Cymreig 1881". Figaro (sgwrs) 11:25, 28 Awst 2025 (UTC)Ateb

Dw i'n cytuno'n fras. Dyma egwyddor gyffredinol: dylid dyddio gwaith creadigol i'r achlysur cyntaf y gall aelod o'r cyhoedd ei weld, ei ddarllen, ei glywed. Felly mae nofel neu stori fer yn cael dyddiad ei chyhoeddi gyntaf; mae drama neu opera neu fale yn cael y dyddiad pan gafodd ei pherfformio gyntaf. Ond mae yna achosion bob amser sy'n gwneud bywyd yn anodd. Er enghraifft, gallai nofelau a ymddangosodd ar ffurf cyfres mewn cylchgronau gymryd blynyddoedd i'w cwblhau: ateb – defnyddiwch y flwyddyn gychwynnol. Gall gwaith gael ei gyhoeddi flynyddoedd ar ôl marwolaeth yr awdur: ateb – defnyddiwch yr amcangyfrif gorau o pryd y gorffennodd yr awdur ei waith. Achosion eraill: defnyddiwch synnwyr cyffredin. Craigysgafn (sgwrs) 16:35, 28 Awst 2025 (UTC)Ateb

Lle nad yw'n bosib defnyddio ystod o flynyddoedd (e.e. cyhoeddwyd Y Dreflan yn 1878-79) Baswn i'n dweud y dylid defnyddio blwyddyn cyhoeddi'r bennod olaf, nid y flwyddyn gychwynnol, gan nad oedd y gwaith wedi'i gyhoeddi'n gyflawn tan y diwedd. (felly dylai fod yn y categori "Nofelau 1879"). Figaro (sgwrs) 12:11, 29 Awst 2025 (UTC)Ateb

@Figaro-ahp: Mae hynny'n gwbl resymol hefyd. "The truth is rarely pure and never simple," chwedl Oscar Wilde. Yn y bôn, pwrpas y dyddiad yw awgrymu cyd-destun hanesyddol. Os yw'r cyd-destun yn caniatáu hynny, mae'n well rhoi'r manylion llawn gyda gair o esboniad. Yn ddelfrydol, gallen ni gael rhywbeth fel Y Dreflan, ei Phobl a'i Phethau (cyhoeddwyd mewn rhannau misol yn Y Drysorfa, 1879–80; cyhoeddwyd fel cyfrol, Treffynnon: P. M. Evans & Son, 1881), ond at y rhan fwyaf o ddibenion, mae hynny'n ormodol. Yr hyn a wnest ti yn adran "Llyfrau" o Daniel Owen yn ardderchog. Ond weithiau mae amgylchiadau'n galw am un dyddiad yn unig. Yn yr achos hwnnw, dw i'n dal i ffafrio'r dyddiad cychwyn, oherwydd dyna pryd y gallai darllenydd fod wedi gweld y darn hwnnw o lenyddiaeth am y tro cyntaf. Dyna pryd y cafodd y llyfr effaith gyntaf ar y byd. Ond dim ond barn yw honno, nid rheol wedi'i naddu mewn carreg. Hwyl, Dafydd. Craigysgafn (sgwrs) 14:43, 5 Medi 2025 (UTC)Ateb

Cwestiwn sydyn a dyrys o bosib, ynghylch rhywbeth gododd dros y dyddia diwethaf, mewn cyd-destun arall. A oes cyfrifoldeb arnom fel llunwyr erthyglau i nodi bod rhywbeth yn gallu cael ei alw'n "hiliol" mewn llenyddiaeth Gymraeg? Bum yn darllen drama Gymraeg yn ddiweddar o gyfnod y 1980au, ac roedd un o'r cymeriadau yn defnyddio y gair annerbyniol "ni*****". Wrth drafod y peth cyn llunio erthygl, soniais wrth lenor arall gan awgrymu a ddylwn i gynnwys brawddeg fel a ganlyn - "Erbyn yr 21ain ganrif, ystyrir peth o'r iaith / deunydd yn y gwaith yma yn hiliol". Ond yr wrth-ddadl gefais i oedd, bod y gwaith dan sylw yn cael ei ystyried yn hiliol gan y cymunedau dan sylw, yn y 1980au hefyd. Mae'n ddadl sy'n codi ynghylch To Kill a Mockingbird hefyd, gyda chyhoeddiadau newydd yn bygwth newid y testun. Mi wn am sawl drama arall sy'n defnyddio ieithwedd annerbyniol hefyd, ac enghreifftiau o gymeriadau du oedd yn destun sbort. O geisio cadw'r erthyglau yn ddi-duedd, a oes awgrymiadau sut i ddelio gyda hyn? Neu awgrym o 'eiriad gwell? Mae hyn hefyd yn wir am rai o luniau yng nghasgliad gwych Geoff Charles lle mae na ambell enghraifft o "black face". Diolch. Paulpesda (sgwrs) 11:54, 5 Medi 2025 (UTC)Ateb

Lle mae trafodaeth gyhoeddus wedi bod am y gwaith dan sylw, dw i'n credu byddai manylion penodol yn ddefnyddiol. Gorau oll os gellid sôn am yr ymateb ar wahanol gyfnodau (Enghraifft ddychmygol: "Adeg ei chyhoeddi, dywedodd ymgyrchwyr bod y ddrama yn hiliol. Erbyn yr 21ain ganrif, mae beirniaid prif-lif o'r un farn"). Dw i'n siŵr bydd gan eraill awgrymiadau mwy defnyddiol! Llygad Ebrill (sgwrs) 21:30, 5 Medi 2025 (UTC)Ateb

Diolch. Y broblem ydi, gyda’r dramâu, ac ambell i bantomeim a rhaglen deledu yn y 1970au dwi ddim yn meddwl bod neb wedi beirniadu’r gwatwar yma, neu’r defnydd o iaith hiliol, am ei fod yn cael ei dderbyn a’i weld ar deledu’r cyfnod, fel peth derbyniol a doniol. Ond yn yr hinsawdd bresennol lle mae yna ail-asesu difrifol a beirniadol, a sensitifrwydd eithafol dros enghreifftiau fel yma, tybed a ddylem gyfeirio at hynny, fel arwydd bod ein herthyglau yn gyfoes ac effro? Paulpesda (sgwrs) 14:33, 6 Medi 2025 (UTC)Ateb

Newydd ddarllen yr erthygl Saesneg am Ain’t Half Hot Mum a gweld un frawddeg fel yma “the series does not get repeated by the BBC, as it is regarded as differing from modern broadcasting standards concerning its content.” Oes rhywun yn gwybod os oes canllawiau wedi’i cyhoeddi gan S4C neu’r Cyngor Llyfrau am hyn? Hynny ydi, peidio ail-ddangos cyfres fel un Gari Williams Galw Gari oedd yn cynnwys elfen o “dduo’r wyneb”, neu enghreifftiau tebyg. Mae’n faes mor ddyrys a theimladau cryf o’r ddau gyfeiriad. Diolch Paulpesda (sgwrs) 14:46, 6 Medi 2025 (UTC)Ateb

Does gen i ddim ateb llawn ond dwi ddim yn siwr os ydi'n deg rhoi beirniadaeth uniongyrchol am awdur neu berfformwyr heblaw fod tystiolaeth eang o hynny. Mae gymaint o ddiwylliant yn adlewyrchu rhagfarn, ystrydebau neu anwybodaeth y cyfnod h.y. cymdeithas yn gyffredinol. Fel nodyn ychwanegol mae archif cyfryngau Clip Cymru yn cynnwys llawer o gynnwys a allai fod yn rhagfarnllyd neu sarhaus i wylwyr heddiw. Cyn gwylio'r cynnwys, mae yna rybudd blanced a mae'n rhaid cytuno gyda'r telerau yn parhau. Dyma mae e'n ddweud:

Mae’r archif yma’n gofnod hanesyddol ac yn cynnwys deunydd a allai peri gofid neu niwed. Mae hyn yn cynnwys sylw’r wasg o drychinebau, troseddau a digwyddiadau hanesyddol eraill, ynghyd ag esiamplau o agweddau a iaith nad sy’n dderbyniol erbyn heddiw am bobl a grwpiau o gefndiroedd lleiafrifol. Dafyddt (sgwrs) 22:22, 6 Medi 2025 (UTC)Ateb

Diolch. Mae hynny’n ddatganiad teg a chall. Dwi wastad wedi dadlau mai perthyn i’w cyfnod oedd yr enghreifftiau yma, ac yn anffodus, yn cael eu derbyn yng nghyd destun y cyfnod. Yr herio gan fy nghyd awdur ddaru fy nychryn y tro yma. Paulpesda (sgwrs) 01:47, 7 Medi 2025 (UTC)Ateb

Oes yna rywun arall wedi sylwi bod y llif erthyglau dyddiol ar Trydar / X wedi peidio ers bron i fis? Oes rheswm technegol am hyn? Diolch. Paulpesda (sgwrs) 18:17, 9 Medi 2025 (UTC)Ateb

Oes, problem dechnegol. Mae @Oergell, sy'n gyfrifol am y cyfrif, yn ymwybodol. Rhyswynne (sgwrs) 07:13, 19 Medi 2025 (UTC)Ateb

Helo pawb. Am y tro cyntaf ers sbel mae'r Llyfrgell Genedlaethol yn cynnal Golygathon Wici Cyhoeddus. Pwnc y tro yma bydd Ffilm, Teledu, Radio a Theatr Cymraeg, a bydd y digwyddiad yn cael i gynnal yn yr Archif Darlledu Genedlaethol yn Aberystwyth. Mae na gwahoddiad cynnes, (a phaned) i bawb! Mae modd archebu tocyn am ddim yma.

Aberystwyth. 28 Tachwedd 2025.

Jason.nlw (sgwrs) 09:21, 24 Medi 2025 (UTC)Ateb

Gwych! Wn i'm os y gallaf fod yn bresennol yn Aberystwyth, ond hapus i helpu o Lundain! Byddai'n wych petai rhywun yn gallu mynd drwy'r cylchgrawn SBEC sy'n cynnwys gwybodaeth am gyfresi drama a holl raglenni S4C o'i chychwyn. Wedi gofyn sawl gwaith i'r Llyfrgell a S4C am gopi o'r rhestrau dramâu, ond mae pawb i'w weld yn gwyro'r cais at ei gilydd! Siawns nad oes gan yr Archif Ddarlledu restr gyflawn o gyfresi, ffilmiau drama Cymraeg a fu ar S4C a chyn hynny ar BBC neu HTV?! Mae'n embaras os ddim! Byddai medru rhannu'r rhestr honno, yn wych! Diolch. Paulpesda (sgwrs) 18:48, 11 Hydref 2025 (UTC)Ateb

Gyda llaw, byddai'n wych medru cael cytundeb gyda BBC Cymru, ITV (HTV gynt) ac S4C i rannu delweddau o gyfresi drama S4C i gyd-fynd â'r erthyglau. Mae ein gwaith yn fodd gwych o hyrwyddo'r rhaglenni, ac felly y dylai ddisgyn yn daclus o dan yr elfen cyhoeddusrwydd neu farchnata, iddyn nhw. Mae hyn hefyd yn wir am y cynyrchiadau theatr, gan fod archif Geoff Charles o ran y Theatr, yn dod i ben ar ddiwedd y 1970au. Mae angen lluniau o'r 1980au ymlaen o gasgliadau theatr ffotograffwyr fel Gerallt Llywelyn, Keith Morris a Dylan Rowlands, ymysg eraill. Dwi'n ceisio cael Archifdy Gwynedd i rannu lluniau o gynyrchiadau Theatr efo mi ar gyfer Wicipedia, ond mae nhw'n bod yn anodd iawn ar y funud! Mae'n frwydr anodd, ac anheg yn fy marn i, gan bod y lluniau, fel arfer, yn eiddo i'r cyn-gwmnïau, ac nid yr archifdy neu'r ffotograffwyr. H.y, fel arfer, byddai'r ffotograffwyr wedi cael eu talu gan y cwmnïau am y lluniau, yn barod! Grrrrrrr. Paulpesda (sgwrs) 18:57, 11 Hydref 2025 (UTC)Ateb

Diolch yn fawr @Paulpesda am y sylwadau, ac am eich holl gwaith yn y maes yma! Hapus i cael sgwrs efo rheolwr yr archif i weld os oes na rhestr o'r holl dddramau efo ni. Ar rhan cael y ddarlledwyr o fod yn mwy agored, mae'r trafodaeth yma yn un sydd wedi bod yn parhau heb llawer o symyd am flynyddoedd, yn rhanol oherwydd resymau gyfreithiol and hefyd oherwydd diffyg dealltwriaeth o'r werth o fod yn agored. Mi wna'i i, ac eraill dwi'n siwr, parhau i roi pwysau ar sefydliadau i rhannu yn agored lle bynnag mae'r gyfraith yn caniatau. Cofion Jason.nlw (sgwrs) 16:02, 10 Tachwedd 2025 (UTC)Ateb

diolch Jason Paulpesda (sgwrs) 09:22, 11 Tachwedd 2025 (UTC)Ateb

Helo pawb. Mae'r Llyfrgell Genedlaethol yn parhau i weithio efo Llywodraeth Cymru i gefnogi'r Wicipedia Cymraeg. Fel rhan o'n brosiect eleni hoffwn greu tua mil erthygl newydd am actorion a chantorion enwog o Gymru a Hollywood. Mae'r erthyglau yma wedi cael i greu trwy grynhoi erthyglau Saesneg efo AI ac wedyn gyfieithu i'r Gymraeg gan ddilyn fformat tebyg. Mae'r erthyglau hefyd yn defnyddio data sydd eisoes ar Wikidata er mwyn nodi gwybodaeth fywgraffiadol. Dyma ragor o wybodaeth a llond llaw o enghreifftiau sydd yn drawstoriad o'r holl erthyglau.

• pob un wedi'i olygu â llaw
• 990 erthygl i gyd
• yn cynnwys miloedd o dolenu at erthyglau am ffilmau
• dros 80% yn menywod
• tua 150 o Gymru a gweddyl yn sêr mawr ffilm a theledu

Engreifftiau

1. Cyndi Lauper
2. Geraldine Chaplin
3. Jonny Owen
4. Lyn James
5. Mary J. Blige
6. Robin Davies
7. Sean Mathias
8. Sharon Stone (actores)
9. Tina Fey

Fi'n hapus i derbyn unrhyw adborth neu pryderon sydd am lwythor holl erthyglau. Diolch! Jason.nlw (sgwrs) 12:10, 29 Medi 2025 (UTC)Ateb

Mae hynny'n ymddangos fel erthyglau defnyddiol! Ewch amdani. Fodd bynnag, mae gen i gwpl o bryderon bach am y sampl honno.

• Ers tro bellach rydym ni wedi bod yn osgoi fformwlâu fel "Actores Americanaidd". Yn lle hynny: "Actores o'r Unol Daleithiau".
• Dw i'n amau'n fawr a yw categorïau fel "Merched a aned yn y 1950au" yn wirioneddol ddefnyddiol. Mae gennym ni ddigon o waith i'w wneud i gynnal y categorïau. Beth ydyn ni i fod i'w wneud â'r erthyglau sydd eisoes yn bodoli? Mae'n awgrymu llawer o waith ychwanegol i gynnal cysondeb.

Craigysgafn (sgwrs) 19:23, 29 Medi 2025 (UTC)Ateb

Diolch am y sylwadau @Craigysgafn.

• Dw'in hapus i ceisio newid y fformat o "Actores Americanaidd" i "Actores o'r Unol Daleithiau" cyn cyhoeddi'r batsh.
• efo'r categoriau dwi'n hapus i mynd efo'r consensws. Y prif rheswm am cynnwys a rhai yma yw bod gen i rhyw cof o @Llywelyn2000 yn deud bod nhw'n pwysig ar rhan cyfri y nifer o erthygalu sydd am menywod? Ond hapus i trafod. Bydd hi'n digon hawdd i tynnu nhw o na

Jason.nlw (sgwrs) 08:04, 30 Medi 2025 (UTC)Ateb

Gawn ni newid Ffilmograffeg i Ffilmyddiaeth.? Mae yna anghysondeb fformat ar deitlau ffilmiau a cyfresi teledu - dylai nhw gyd fod yn italig. (er mae'r albymau yn iawn). Ac ie mae angen Genedigaethau BBBB ymhob erthygl a nid 'ganed yn y BBBBau'. Dyw'r cyfieithu AI ddim yn berffaith a byddai angen tipyn o welliannau i rhan fwyaf o'r erthyglau i addasu cyfieithiadau lletchwith a defnyddio Cymraeg mwy llyfn. Dafyddt (sgwrs) 22:35, 29 Medi 2025 (UTC)Ateb

Diolch @Dafyddt. Mi wna'i newid Ffilmograffeg i Ffilmyddiaeth. Efo teitlau ffilmau a cyfresi teledu, wyt ti'n son am y brif testun, neu'r rhestrau? Mi wna'i sieco a cywiro'r brif destun ond mae'r rhestrau yn defnyddio italig ar gyfer dolen i Wikidata a testun arferol ar gyfer dolennu Wici, a nid oess fordd o newid hyn dw'i ddim yn credu. Na'i sortio'r categoriau. Cytuno nad yw'r Gymraeg yn perffaith. Roedd hi'n balans rhwng erthyglau sych peirianyddol a ceisio creu rhywbeth mwy naturiol. Dw'i wedi bod trwy'r cyfan i ceisio cywiro unrhyw gwallau mawr ond fel y gwyddom, nid yw erthygl Wicipedia byth yn gorffenedig! Mi wna'i gweithio trwy'r sylwadau a gobeithio y bydd yr ansawdd yn dderbyniol. Diolch eto! Jason.nlw (sgwrs) 08:17, 30 Medi 2025 (UTC)Ateb

Hia Jason. Ie, gyda'r rhestr mae'r broblem. Ond mae'n ymddangos fod hyn wedi bodoli erioed gyda ListeriaBot, a ddim o dan ein rheolaeth ni. Dafyddt (sgwrs) 19:00, 30 Medi 2025 (UTC)Ateb

Haia Jason. Mae angen ychwanegu defaultsort at y rhain (er enghraifft, {{DEFAULTSORT:Lauper, Cyndi}}) er mwyn iddynt fod yn y drefn iawn mewn categoriau; sylwa ar drefn yr erthyglau yn Categori:Prosiect Wicifflics ar hyn o bryd.

Mae hefyd angen gwneud hyn gyda nifer o erthyglau yn Categori:Erthyglau LLGC 2023 (ond nid y rhai lles nad oes cyfenw yn nheitl yr erthygl, e.e. Y Dywysoges Alexandrine o Baden – ac mae gan nifer ohonynt defaultsort eisioes). Tybed a all fot wneud hyn?

Does gen i ddim barn am Categori:Merched a aned yn y 1950au, ond buaswn i'n meddwwl y byddai'n bosib defnyddio Wiciddata i ddarganfod y nifer o erthyglau am ferched erbyn hyn. Efallai byddai rhywun ar d:Wikidata:Request a query yn gallu ymgynghori? Ham II (sgwrs) 08:01, 1 Hydref 2025 (UTC)Ateb

Yn hollol Ham: mae na sawl teclyn erbyn hyn sy'n cyfrifo rhyw y person drwy Wicidata. Wedi dweud hyn os yw'r degawd yn bodoli, mi faswn i'n awgrymu eu defnyddio. Yn anaml iawn dw i'n anghytuno efo Craig, ond mae categoreiddio mor fanwl a phosib (Degawd yn y cyswllt yma) yn beth da, y fy marn i! Neu, o leiaf eu grwpio o dan y ganrif (fel a wneir ar en). Cofia hefyd fod Categori:Merched yn ôl galwedigaeth yn ddefnyddiol.

Dw i'n methu gweld problem ar y Rhestrau Wicidata / Wikidata List (sy'n cael ei ddiweddaru gan fot o'r enw Listeria). Os oes problem, rhowch wybod - gellir newid unrhyw agwedd o'r rhestrau hyn.

Yn gyffredinol: braf gweld bod 80% o'r erthyglau yn ferched! Braf hefyd gweld swp o erthyglau sy'n hunan-ddiweddaru yn cael eu creu, drwy'r rhestrau Wicidata hyn. Mae na lawer o erthyglau a grewyd tua 2010 sydd a'r ffilmyddiaeth (gair a fathwyd gan DafyddT os cofiaf yn iawn) yn dod i ben ar y flwyddyn y cawson nhw eu creu! Ond mae Rhestrau Wicidata yn dod a'r erthygl yn gyfoes, yn fyw.

Fe ddylem gael polisi ar AI. Mae enwici, Comin a ballu yn troi trwyn arno. Os yw'r wybodaeth yn gywir, diawl o ots gen i, ac os yw'n berthnasol i Gymru - gwell fyth! Yn ddiweddar dw i wedi bod yn defnyddio AI i chwilio am gysylltiadau Cymreig i berson ar Wicipedia; rhywbeth i feddwl amdano, Jason. Gyda llaw mae'r Uned technolegau Iaith yn gweithio ar Claude; ond yn anffodus, mae'n rhaid talu am hwnnw! Erchyll beth yw rhech llo bach.

Un o wendidau mawr AI yw ei ddiffyg treiglo o fewn cod wici. Yn yr erthygl Cyndi Lauper ceir 'Ganwyd hi yn Ddinas Efrog Newydd yn...' Efallai y byddai'n bosib rhoi categori 'Heb ei brawf-ddarllen' ar bob erthygl, gyda'r golygyddion yn ei ddileu ar ol prawf-ddarllen yr erthygl? Tybed ydy'r grŵp gwirfoddolwyr yn dal gen ti i wneud hyn? A ninnau yma, wrth gwrs!

Awgrymir ar ddogfennaeth y tri Nodyn (Pethau, Pobl, Lle) fod unrhyw Saesneg sy'n ymddangos (o Wicidata) yn y gwybodlenni yn cael ei gywiro / ei gyfieithu wrth roi'r nodyn ar yr erthygl ee enwau gwobrau ac enwau prifysgolion. Gall y rhain hefyd gael eu newid wrth brawf-ddarllen.

Diolch Jason am dy waith diflino! Ymlaen ddywedwn i! Llywelyn2000 (sgwrs) 15:08, 1 Hydref 2025 (UTC)Ateb

@Jason.nlw Yn ychwanegol at sylw ̊Llywelyn2000, ac hefyd o'r erthygl Cyndi Lauper (yr unig un edrychais arni hyd yma), mae yna gamderiglo ar ôl rhagenwau (pronouns) hefyd. Os mai ti wnaeth y cyfieithu ac nid AI, er gwybodaeth mae eglurhad o'r rheolau treiglo ar ôl rhagenwau i'w cael tabl ar dudalen 360 o'r cwrslyfr hwn. Rhyswynne (sgwrs) 12:50, 2 Hydref 2025 (UTC)Ateb

Diolch @Rhyswynne ga'i olwg ar hynny Jason.nlw (sgwrs) 10:12, 3 Hydref 2025 (UTC)Ateb

Diolch @Llywelyn2000 am roi sylw i hyn, ac am yr awgrymiadau. Hapus efo'r syniad o cynnwys categori i nodi bod angen sieco bellach. Yn anffodus does gen i ddim staff neu wirfoddolwyr i helpu efo'r gwaith gwirio ar hyn o bryd ond gobeithio daw cyfle yn fuan. Dwi'n gallau cael golwg ar y gwybodlennu i weld os oes na data amlwg sydd angen i gyfieithu, cyn cyhoeddu.

Ar rhan 'Ganwyd hi yn Ddinas Efrog Newydd yn...' tybed allet ti cadarnhau i mi beth sy'n cywir? mae Cysill yn awgrymu "yn Ddinas" neu "yn Ninas". Diolch! Jason.nlw (sgwrs) 10:07, 3 Hydref 2025 (UTC)Ateb

Dyw Cysill ddim yn deall ystyr brawddegau! Felly dyw e ddim yn deall cyd-destunau gramadegol. Mae'r parau "yn ddinas" ac "yn ninas" yn bosibl, ond hynny mewn cyd-destunau hollol wahanol. E.e. "Mae Caerdydd yn ddinas"; "Ganwyd Dai yn ninas Caerdydd" – Cywir! "Mae Caerdydd yn ninas"; "Ganwyd Dai yn ddinas Caerdydd" – Anghywir! Felly "Ganwyd hi yn Ninas Efrog Newydd" bob tro. Craigysgafn (sgwrs) 10:44, 3 Hydref 2025 (UTC)Ateb

Gwych. Diolch yn fawr @Craigysgafn! Jason.nlw (sgwrs) 07:17, 6 Hydref 2025 (UTC)Ateb

Diolch @Ham II. Mi wna'i ychwanegu'r defaultsort i pob un. Jason.nlw (sgwrs) 09:52, 3 Hydref 2025 (UTC)Ateb

---

Haia @Jason.nlw:. Ble ryan ni efo'r lanlwytho? Dw i newydd brawfddarllen dwy erthygl, ac fel y gellid disgwyl roedd manion ynddyn nhw i'w cywiro - ond mae hynny'n wir am fy ngwaith i hefyd; a chwaeth yw llawer o gywiriadau, nid cangyms. Mae mwy o blaid cael yr erthyglau hyn ar wici nag yn eu herbyn. Dw i ddim yn meddwl y byddaf yn medru rhoi llawer o amser fy hun ond mae'r system yn ei le (y categori prawf ddarllen), i fynd ati. Llywelyn2000 (sgwrs) 17:51, 23 Tachwedd 2025 (UTC)Ateb

Helo - dwi'n trio gwneud "Info-box" ar gyfer yr albwm ADFYW gan y band Cordia. Am ryw reswm, tydi o ddim i weld yn gweithio. Ai defnydd sydd ar Wikipedia Saesneg yn unig ydi o? Gwerthfawrogi unrhyw help! PanedoDe13 (sgwrs) 19:08, 29 Medi 2025 (UTC)Ateb

Ceisiwch osgoi "Nodyn:Infobox unrhywbeth", os gwelwch yn dda! Mae gennym ni "Nodyn:Gwybodlen Albwm" yn lle hynny. A dweud y gwir, mae diffyg dogfennaeth ar gyfer cystrawen y wybodlen, ond gweler e.e. Yours Sincerely (albwm) i'w gweld ar waith. Craigysgafn (sgwrs) 19:35, 29 Medi 2025 (UTC)Ateb

Anhygoel - diolch! PanedoDe13 (sgwrs) 19:55, 29 Medi 2025 (UTC)Ateb

Ers rhyw bythefnos mae na erthyglau mewn Japaneg yn cael eu creu: fandaliaeth bur. Heddiw'r bore crewyd 6. Oes rhywun yn cofio sut i atal ystod o gyfeiriadau IP os na wyddom IP'r fandal? oedd wrthi y bore ma. Dw i'n poeni y gall cyn hir greu 6 mil neu 6 miliwn, gydag IP gwahanol ar bob un! Llywelyn2000 (sgwrs) 10:09, 6 Hydref 2025 (UTC)Ateb

Dw i newydd ddileu'r erthyglau a grewyd. Mae'n hawdd blocio un defnyddiwr, ond pan mae'n newyd ei gyfeiriad IP rhaid blocio'r ystod. Dafyddt - ydw i'n iawn yn dweud dy fod wedi gwneud hyn beth amser yn ol? Sut mae rhywun yn gwybod pa ystod o gyfeiriadau yw fy mhroblem i. Llywelyn2000 (sgwrs) 15:48, 7 Hydref 2025 (UTC)Ateb

Yn anffodus gyda IPv6 mae'n anodd blocio ystod penodol heb flocio ISP cyfan. Ond efallai mai dyma'r unig ateb yma. Dyma chwiliad o'r cyfeiriad IP https://wq.apnic.net/static/search.html?query=240B:253:3460:9300:70C3:666B:A8C5:7DA

Felly byddai'r ystod "240b:240::/26" yn blocio pob cyfeiriad IPv6 sy'n defnyddio darparwr "Japan Internet Xing Co" (o leia dyna un o'i blociau IP). Byddai'n dda gallu blocio cyfeiriadau penodol rhag creu/golygu tudalennau fel gwestai. Ond dyw e ddim yn edrych yn bosib, dim ond gosodiad ar draws y wici cyfan i wahardd gwestai. Dafyddt (sgwrs) 19:15, 7 Hydref 2025 (UTC)Ateb

Diolch Dafydd! Mae hyn yn wendid yn y fersiwn diweddaraf, felly. Mi holai ar Meta pan ga i amser, oni bai fod rhywun yn fy nghuro! O leia dw i'n gwybod beth i'w ofyn rwan! Diolch eto. Llywelyn2000 (sgwrs) 12:38, 8 Hydref 2025 (UTC)Ateb

Helo bawb. Neges isod gan Rupal, fy nghyd-weithwr yma yn WMUK - Bydd e'n wych gweld enwau o'n gymuned ni yn y mix!

Mae WMUK yn hapus i gyhoeddi bod enwebiadau ar agor ar gyfer Gwobrau Wicimediwr y Flwyddyn y DU 2025. Rydym yn gofyn i chi enwebu unigolion a sefydliadau sydd wedi bod yn rhan o ymdrechion Wikimedia UK i hybu gwybodaeth agored yn 2024/25. Y categorïau ar gyfer eleni yw:

• Wicimediwr y Flwyddyn y DU (Unigolyn)
• Partneriaeth y Flwyddyn (Sefydliad)
• Wikimediwr Neywdd ("Up and coming") (Unigolyn)

Rydym yn chwilio am bobl a phartneriaethau o fewn cymuned Wikimedia UK sydd wedi gwneud argraff fawr arnoch gyda'u gwaith gwybodaeth agored, yn 2024/25. Rydym yn arbennig o awyddus i glywed am bobl a sefydliadau a gyflawnodd brosiectau sy'n mynd i'r afael â'n themâu strategol, sef Tegwch Gwybodaeth, Llythrennedd Gwybodaeth, a'r Hinsawdd a'r Amgylchedd. Bydd enwebiadau'n cael eu beirniadu gan aelodau'r Pwyllgor Datblygu Cymunedol a chyhoeddir yr enillwyr yn y Dathliad Cymunedol ar Dydd Sadwrn 15 Tachwedd 2025.

• i ddarllen mwy am yr enillwyr llynedd, ewch i https://wikimedia.org.uk/2024/12/2024-uk-wikimedian-year-awards/
• i enwebu, ewch i https://docs.google.com/forms/d/e/1FAIpQLScVy7AmH0qRRZmQ-QHtYKKCBZY0O40JZN9MWl8Xu7-oqK1-fg/viewform/
• i gofrestru i fynychu'r Dathliad Cymunedol ewch i https://www.eventbrite.co.uk/e/online-wikimedia-uk-2025-community-celebration-tickets-1775880058059

Gemma Coleman (WMUK) (sgwrs) 09:58, 7 Hydref 2025 (UTC)Ateb

Wel, wel, o edrych ar restr llynedd gwelais bu Wicipedwr preswyl gyda'r Ymddiriedolaeth Genedlaethol, ond doeddwn ddim wedi clywed am hyn, er mod i'n aelod ac yn darllen y cylchgrawn o glawr i glawrǃ Rhyswynne (sgwrs) 15:41, 8 Hydref 2025 (UTC)Ateb

O ystyried cyfraniad enfawr Robin i Wici Cymraeg dros y blynyddoedd, wedi ei symud o ychydig gannodd o erthyglau i'r cannoedd o filoedd presennol, rwy'n credu mai da o beth byddai ei anrhydeddu ef ar ei ymddeoliad. AlwynapHuw (sgwrs) 05:02, 13 Hydref 2025 (UTC)Ateb

Cytuno ac eiliaf Paulpesda (sgwrs) 06:51, 14 Hydref 2025 (UTC)Ateb

Hi Paul - fel dwedais i i AlwynapHuw, plîs defnyddiwch y ddolen i enwebu (neu gefnogi enwebiadau) i wneud yn hollol siŵr mae'r trefnwr ddim yn colli enwebiadau. Diolch! Gemma Coleman (WMUK) (sgwrs) 09:14, 14 Hydref 2025 (UTC)Ateb

Hi - plîs rhoi unrhyw enwebiadau yn y ddolen (https://docs.google.com/forms/d/e/1FAIpQLScVy7AmH0qRRZmQ-QHtYKKCBZY0O40JZN9MWl8Xu7-oqK1-fg/viewform/) Dwi ddim yn gyfrifol am y gwobrau hwn (un o fy nghyd-weithiwr yw'r trefnwr) felly dwi ddim yn siwr bydd enwebiadau rhywle arall yn cael eu cyfri. Dwi wedi tynnu ei sylw hi i'r sgwrs yma ond i wneud yn hollol siŵr, plîs defnyddiwch y ffurflen Google. Gemma Coleman (WMUK) (sgwrs) 09:08, 14 Hydref 2025 (UTC)Ateb

Dolen i gofrestru i fynychu'r Dathliad Cymunedol nawr yn barod - cofrestriad drwy Eventbrite. Gemma Coleman (WMUK) (sgwrs) 13:40, 21 Hydref 2025 (UTC)Ateb

Yn dilyn tua 15 mlynedd o ofyn yn daer, o drafod yn bwyllog, ac o'u beirniadu'n agored... mae ein Hamgueddfa wedi rhyddhau dros 2,000 o luniau bendigedig ar drwydded agored Comin Creu. Dyma nhw!

Y cam nesaf yw uwchlwytho torfol i Gomin Wicimedia. Dyma beth sydd ar Comin ar hyn o bryd: Commons:Category:Amgueddfa Cymru – Museum Wales. Mae na sawl teclyn i wneud y gwaith hwn; yr un a ddefnyddiais i uwchlwytho 850+ o dudalennau Llyfr Coch Hergest oedd 'OpenRefine': mae'r cyfarwyddiadau a'r teclyn (am ddim) yn fama. Amdani, rhywun? Llywelyn2000 (sgwrs) 06:49, 8 Hydref 2025 (UTC)Ateb

Go dda - yr holl blagio wedi talu'i ffordd yn y pen drawǃ Diolch am dy ddyfalbarhad. Rhyswynne (sgwrs) 09:59, 9 Hydref 2025 (UTC)Ateb

Diolch Rhyswynne!

@Gemma Coleman (WMUK): - os y gwnei di ofyn yn garedig i Sara neu Richard, dw i'n siwr y gwnawn nhw (neu ti?) torflwytho (mass upload) y lluniau yma. Gall y disgrifiadau hefyd fod yn y ddwy iaith: mae'r metadata ar gael. Llywelyn2000 (sgwrs) 08:55, 15 Hydref 2025 (UTC)Ateb

Diolch! Dwi wedi tynnu eu sylw i'r edefyn hwn yn barod ac wedi ychwanegu hwn i fy 121 nesaf i drafod. Ar hyn o bryd mae OpenRefine (a torflwytho) dim rhywbeth dwi'n gwybod sut i wneud o gwbl! Hefyd, mae nifer o brosiectau gwaith arall 'da fi felly mae rhaid i fi gytuno blaenoriaethau gyda Sara.

Ond bydd yn siom fawr i golli'r cyfle i ddefnyddiau'r delweddau felly wna i wneud fy ngorau i sortio rhywbeth. Hefyd, os mae unrhyw un yma gyda diddordeb yn hwn ond hoffi ryw fath o gymorth, hyfforddiant ac ati, rhowch wybod i fi - falle gallai gweithio gyda'i gilydd. Gemma Coleman (WMUK) (sgwrs) 09:49, 21 Hydref 2025 (UTC)Ateb

Can diolch! Mi gaf innau olwg pan gaf amser. Am y cyntaf! Llywelyn2000 (sgwrs) 07:53, 22 Hydref 2025 (UTC)Ateb

Mae’r grŵp defnyddiwr WMLGBT+ yn chwilio am siaradwr Cymraeg gyda gwybodaeth a dealltwriaeth ynghylch HIV ac AIDS i wneud adolygiad o ba cynnwys sy’n ar gael yn barod am y pwnc ar Wicipedia Cymraeg a pa erthyglau sy’n angen gwella, cyfeiriadau neu sydd ddim yn bodoli.

Mae’r bwriad yw creu rhestr o tasgau ar gyfer unrhyw siaradwyr Cymraeg sy’n mynychu’r Golygathon ar ddiwedd mis Tachwedd yng Nghaerdydd i nodi “World AIDS Day”. Efallai bydd rhywfaint o gyllideb i dalu am amser yr ymchwilydd. Oes gennych unrhyw ddiddordeb neu cwestiynau, cysylltwch owen@wmlgbt.org.  Gemma Coleman (WMUK) (sgwrs) 11:13, 9 Hydref 2025 (UTC)Ateb

Hapus i helpu, o ran cyfieithu, ond mae fy ngwybodaeth o'r ddau gyflwr yn dennau iawn, er mawr gywilydd imi! Paulpesda (sgwrs) 18:59, 11 Hydref 2025 (UTC)Ateb

Diolch! Mae yn bendant lot o waith cyfieithu i wneud i fod yn siŵr! @OwenBlacker - dwi'n tagio chi i dynnu eich sylw i hwn. Paul - dwi ddim yn siŵr pa mor aml Owen yn ymweld Y Caffi, ydych chi'n hapus i gysylltu fe yn syth neu ydych chi'n hapus i fi rhannu eich cyfeiriad e-bost gyda fe? Gemma Coleman (WMUK) (sgwrs) 09:26, 14 Hydref 2025 (UTC)Ateb

Dim ond pam cafodd rhywun yn fy nhagio 😅

@Gemma Coleman (WMUK) rwyt ti'n croeso i rhannu fy nghyfeiriad ebost gyda pobl sy'n hoffi helpu.

@Paulpesda: Rhaid i ni ffeindio rhywun sy'n gallu ymchwilio lle (yn Wicipedia Cymraeg) angen mwy o ystyriaeth ar bwnc HIV/AIDS. Ond mae llawer o erthyglau Seisnig dyn ni'n gallu cyfieithu hefyd. Diolch am atebu; dwi'n siŵr bod ni'n gallu croesawu eich cymorth — OwenBlacker (sgwrs) 13:11, 14 Hydref 2025 (UTC)Ateb

@Paulpesda: er gwybodaeth, mae Owen yn foi da, uchel iawn ei barch gan Wikimedia UK ayb a'r byd technoleg gwybodaeth drwy'r byd. Mae hefyd yn gweithio yn Llundain: handi iawn! Ac yn bwysicach na dim... yn gyfaill i ni yma ar cy-wici! Llywelyn2000 (sgwrs) 09:00, 15 Hydref 2025 (UTC)Ateb

Diolch yn fawr @Llywelyn2000, rwyt ti'n garedig iawn! Ond gweithiais i yn Lundain; rŵan, dwi'n byw yng Nghanol Caerdydd (ers 2 flynedd) a dwi'n gweithio o gartref yma 😅 — OwenBlacker (sgwrs) 09:42, 15 Hydref 2025 (UTC)Ateb

O uffern i'r Nefoedd, felly! ;-) bydd rhaid cael sgwrs dros beint! Llywelyn2000 (sgwrs) 14:43, 15 Hydref 2025 (UTC)Ateb

Bydda i am y cyfarfod bod Gemma wedi crëu: m:Meetup/Cardiff/5 (ond bydda i'n tipyn hwyr) — OwenBlacker (sgwrs) 14:52, 15 Hydref 2025 (UTC)Ateb

Byddwch yn ofalus wrth ddyfynu o ddeunydd gan y Coleg Cenedlaethol Cymraeg, gan imi ddod ar draws sawl ffaith anghywir yn eu deunydd, ac ar eu gwefan. Gwell croes-wiro bob amser i fod yn saff. Er enghraifft, mae nhw'n nodi mai ym 1936 y cyhoeddwyd y nofel Y Wisg Sidan, ond ym 1939 sy'n gywir, fel ag y mae yn y Cydymaith i Lenyddiaeth Cymru ac ar ein tudalenau ni! Felly hefyd gyda blwyddyn darlledu'r addasiad i deledu, Y Wisg Sidan sef 1997 ganddynt hwy [blwyddyn yr ail-ddarlledu] ond ym 1995 cafodd y gyfres ei darlledu gyntaf, gan ennill gwobrau BAFTA Cymru ym 1996. Diolch. Paulpesda (sgwrs) 08:04, 16 Hydref 2025 (UTC)Ateb

Mae @OwenBlacker eisoes wedi crybwyll hyn mewn sylw uchod, ond dyma wybodaeth am y digwyddiad, sydd ar gael yn Gymraeg bellach. O edrych yn ôl ar hen hysbysiadau, sylweddolais bod dros 10 mlynedd ers ein digwyddiad diwethaf yng Nghaerdydd - mae amser yn hedfan. Byddai'n grêt gallu cwrdd efo rhai ohonoch yno. Rhyswynne (sgwrs) 09:24, 17 Hydref 2025 (UTC)Ateb

Cofiwch am y digwyddiad hwn yr wythnos hon. Rhyswynne (sgwrs) 09:09, 31 Hydref 2025 (UTC)Ateb

Sut aeth hi, Rhys? Llywelyn2000 (sgwrs) 05:33, 17 Tachwedd 2025 (UTC)Ateb

Aeth yn dda iawn, diolch @Llywelyn2000. Daeth 11 person, rhai heb olygu o gwbl (gan gynnwys aelod o gymdeithas hanes leol) a phobl sy'n ymddiddori mewn sawl pwnc/wici gwahanol. Efallai trefnir digwyddiad tebyg ym mis Ionawr. Rhyswynne (sgwrs) 12:46, 17 Tachwedd 2025 (UTC)Ateb

Fantastig Rhys! Mae 11 yn dorf fawr, y dyddiau hyn! Dw i'n dal i gofio'r golygathon cyntaf hwnnw yn y Llyfrgell Ganolog. Llywelyn2000 (sgwrs) 18:17, 20 Tachwedd 2025 (UTC)Ateb

Mae'r Gymdeithas Myfyrwyr Astudiaethau Celtaidd wedi agor eu galwad am bapurau i fyfyrwyr cyfredol a rhai sydd newydd raddio. Oes unrhyw fyfyriwr yma gyda diddordeb (falle sydd a chysylltiad â ieithoedd Celtaidd ar Wiki?)

Mae'r gynhadledd yn ddigwyddiad hybrid yn yr Iwerddon ar yr 11eg o Fehefin hyd y 13eg o Fehefin 2026 ac mae'r dyddiad cau i roi eich crynodeb ar y 12fed o Ragfyr - dolen yma

(Fel arfer, rhowch wybod i fi os hoffech chi gael sgwrs/cymorth/mwy o fanylion am hyn.) Gemma Coleman (WMUK) (sgwrs) 10:07, 21 Hydref 2025 (UTC)Ateb

Diolch am eich enwebiadau ar gyfer y gwobrau Wicimediwr y Flwyddyn. Os hoffech chi ymuno â ni am ein Dathliad Cymunedol (Dydd Sadwrn 15fed Tachwedd 11yb - 1yh) ewch i https://www.eventbrite.co.uk/e/online-wikimedia-uk-2025-community-celebration-tickets-1775880058059 i gofrestru. Gemma Coleman (WMUK) (sgwrs) 10:06, 28 Hydref 2025 (UTC)Ateb

Mae 'na gwenid ar Wicidata bod y categori "ffilmi am berson" (Q645928) heb fflag sy'n mynnu bod enw "y person" yn rhan o'r data. Newydd dreulio amser yn rhoi enw "y person" a phwt o wybodaeth amdano ar erthygl I Accuse!, rhywbeth byddwn yn disgwyl i Wicidata ei ddarparu ar erthyglau bot! AlwynapHuw (sgwrs) 04:06, 6 Tachwedd 2025 (UTC)Ateb

Cytuno. Dros dro, ar Wicidata, dw i wedi rhoi Alfred Dreyfus fel 'Prif bwnc' y ffilm, ac mae hwnn'n llifo i'r Wybodlen. Gelli godi'r datrusiad (dy awgrym) ar dudalen Cymuned WD hefyd, cofia. Llywelyn2000 (sgwrs) 05:31, 17 Tachwedd 2025 (UTC)Ateb

Hiya! Cyn mynd ar wyliau blynyddol roedd fi trio cyfieithu'r tudalen digwyddiad ar gyfer y digwyddiad World AIDS day yng Nghaerdydd diwedd Tachwedd (https://meta.wikimedia.org/wiki/World_Aids_Day_2025/Cardiff_Editathon/cy). Dwi wedi gwneud fy ngorau ond dwi'n teimlo fel dwi wedi rhedeg mas o amser i fod yn hollol ofalus a hefyd, mae'n falle yn gam rhy bell am fy Nghymraeg! Os bydd unrhyw un yma sy'n fodlon i brawf darllen a chywiro unrhyw gamgymeriadau yn fy Nghymraeg, byddwn i ddiolchgar iawn! (Hefyd, mae'n amlwg dwi ddim wedi cweit yn deall sut mae'r offer cyfieithu yn gweithio ac mae'r dolenni wedi diflannu!) Gemma Coleman (WMUK) (sgwrs) 17:06, 6 Tachwedd 2025 (UTC)Ateb

Nodyn sydyn i holi ynghylch cyfieithu enwau cymeriadau o Groeg yr Henfyd. Wrthi yn cyfieithu erthyglau am ddramâu Soffocles ac eraill, ac yn sylwi weithiau bod yr enwau / cyfieithiadau mae'r beirdd fel Euros Bowen neu W. J. Gruffydd yn ei ddefnyddio / gynnig, yn wahanol i'r rhai sydd eisoes ar waith ar Wicipedia Cymraeg. Er enghraifft, y proffwyd dall Tiresias. "Teiresias" mae Bowen yn ei ddefnyddio, sy'n agosach at y "Teiresias / Τειρεσίας" wreiddiol, ond defnyddiodd @Adda'r Yw Tiresias. Tydwi ddim yn ddigon o ieithydd i ddadlau pa un sy'n fwyaf cywir, ond byddai'n dda derbyn barn er mwyn cysoni'r holl erthyglau. Yr un modd gyda Thesews, brenin Athen. Thesews sydd gan Bowen, ond Theseus sydd gennym ni, er mai "Thesews" sydd yng nghorff yr erthygl. Ydi hi'n iawn imi addasu'r hyn sydd gennym i gyd-fynd â'r cyfieithiadau cyhoeddedig? Diolch. Paulpesda (sgwrs) 12:24, 7 Tachwedd 2025 (UTC)Ateb

Yn wir, mae'r peth fel siop siafins, er nad oes ateb amlwg. Wrth wraidd y broblem mae'r arfer Seisneg o droi enwau Groegaidd yn rhai Lladin. A phan, ar ben hynny, rydyn ni'n Cymreigeiddio'r ffurfiau Saesneg-Lladin, mae'n mynd yn gymhleth iawn. Felly mae dewisiadau anghyfforddus i'w gwneud yn aml. O'm rhan i, byddwn i'n falch o'ch gweld chi'n tacluso rhywfaint o'r pethau hyn, Paul. ("Thesews" yw'r ffurf yn Geiriadur yr Academi, a dydw i ddim yn siŵr pam nad yw hynny'n cael ei ddefnyddio ar gyfer teitl yr erthygl.) Craigysgafn (sgwrs) 19:05, 7 Tachwedd 2025 (UTC)Ateb

Diolch. Wedi dechrau ar y twtio. Paulpesda (sgwrs) 10:26, 8 Tachwedd 2025 (UTC)Ateb

Wedi creu y dudalen a'r rhestr hon Rhestr Cymraeg o enwau Groeg yr Henfyd er mwyn cysoni'r enwau. Mae ambell i deitl / enw yr erthyglau Cymraeg yn dal i ddefnyddio'r teitl Saesneg. A ddylem gywiro rheiny hefyd? @Llywelyn2000@Gemma Coleman (WMUK)@Craigysgafn? Paulpesda (sgwrs) 21:28, 8 Tachwedd 2025 (UTC)Ateb

Tydw ina ddim o bell ffordd yn arbenigwr, a fy naliadau wedi newid dros y blynyddoedd. Dw i'n cofio dadlau y dylem gadw'n slafaidd at yr hyn mae'r ffynonellau solad yn ei ddweud, ond bellach, dwi'n meddwl y dylem ni, weithiau benderfynu rhai pethau fel hyn ein hunain. Mae'r 'ffynonellau solad' yn aml yn simsan, yn gwrth-ddweud ei gilydd neu wedi dyddio'n arw. Dw i'n hoffi dy syniad o restr i geisio barn, sgwrs ac yna cytundeb a chysondeb traws-cy-wici. Efallai hefyd, ryw ddydd y byddai rhestr enwau pobl o'r Hen Roeg (a Rhufeinig!) hefyd yn beth da. Mae pob ebw lle sy'n gorffen gyda 'eus' yn amlwg yn trosi'n naturiol, yn Cymreigio'n naturiol i 'ews', fel yr awgryma Craigysgafn, uchod. Felly hefyd (yn fy marn i) y dylid trosi 'hydro' yn 'heidro'... ond sgwrs arall yw honno! Diolch am dy waith efo hwn Paul; efallai yn nes ymlaen y medri gynnig pennod ar hyn i'w roi yn ein Polisi arddull? Llywelyn2000 (sgwrs) 08:19, 9 Tachwedd 2025 (UTC)Ateb

Diolch. Dwi'n sylwi bod 'us' yn troi'n 'os' hefyd. Cytuno bod hi'n hen hir ddadl ddi-ateb! Hyd yn oed pan oeddwn yn astudio Lefel A yn yr ysgol 35 mlynedd yn ôl! Paulpesda (sgwrs) 08:26, 9 Tachwedd 2025 (UTC)Ateb

Helo pawb. Mae dal amser i gofrestru am y digwyddiad yma! Diwrnod allan yn Aberystwyth, Paned am ddim, cyfle i gwella'r byd trwy olygu Wicipedia? Oes angen rhagor o rhesymau?! Pwnc y digwyddiad bydd Ffilm, Teledu, Radio a Theatr Cymraeg, a bydd y digwyddiad yn cael i gynnal yn yr Archif Darlledu Genedlaethol yn y Llyfrgell Gen. Mae na gwahoddiad cynnes i bawb! Mae modd archebu tocyn am ddim yma.

Aberystwyth. 28 Tachwedd 2025.

Jason.nlw (sgwrs) 09:21, 24 Medi 2025 (UTC)Ateb

Dim ond nodyn o ddiolch i'r gymuned am fy enwebiad ar gyfer Gwobrau Wicimediwr y Flwyddyn 2025. Wedi ei werthfawrogi yn fawr. Llongyfarchiadau hefyd i @Llywelyn2000 am ei enwebiad yntau. Er na fu'r ddau ohonom yn llwyddianus y tro yma, dwi'n siwr ein bod yn gwerthfawrogi'r gydnabyddiaeth yn fawr, ac yn falch o weld bod y Wicipedia Cymraeg yn cael ei phriod le, gyfochor â'r rhai drwy'r byd. Paulpesda (sgwrs) 10:36, 16 Tachwedd 2025 (UTC)Ateb

Ia wir, diolch gyfeillion. Dw i wedi enwebu un ohonoch yn flynyddol dros y 10 mlynedd diwethaf, heb lwc. A llongyfs Paul. Efallai ei bod hi'n bryd i cy-wici ddewis Wicipediwr y Flwyddyn ein hunain, ac nid gadael i bobl o'r tu allan, na wyddan nhw fawr o ddim am ein gwaith yma, i ddewis ar ein rhan! Llywelyn2000 (sgwrs) 11:53, 16 Tachwedd 2025 (UTC)Ateb

Mae nifer o ddigwyddiadau Wiki sy’n eisiau denu siaradwyr Cymraeg dros y pythefnos nesaf. Mae’r manylion yn y cylchlythyr Cymru newydd (tanysgrifio yma) ond isod yw crynodeb bach…

Dydd Gwener 28ain yn Aberystwyth - Golygathon Wici-Fflics gyda Jason yn y Llyfrgell Genedlaethol

Dydd Sadwrn 29ain yng Nghaerdydd - Golygathon Diwrnod AIDS y Byd yn Llyfrgell Ganolog Caerdydd.

Dydd Sadwrn 29ain AR-LEIN - Golygathon Diwrnod AIDS y Bydd ar-lein. Does dim cyfieithu byw i'r Gymraeg ond mae llwyth o erthyglau ‘da nhw sy’n angen fersiynau Gymraeg.

Dydd Sadwrn 6ed Rhagfyr AR-LEIN - “Revitalising UK history 2” - digwyddiad sy’n bwriadu at ychwanegu a chyfieithu labeli a disgrifiadau eitemau Wikidata i nifer o ieithoedd gwahanol yn gynnwys Cymraeg.

Am fwy o wybodaeth neu i gofrestru, dilynwch y dolenni uchod. Gemma Coleman (WMUK) (sgwrs) 09:45, 26 Tachwedd 2025 (UTC)Ateb

Whaw! bwydlen blasus iawn, Gemma! Gwych iawn! Dw i yng Nghaerdydd ddydd Sadwrn, i weld y rygbi, ond duw a wyr os y caf amser i bicio i fewn i'r Llyfrgell Ganolog. Cawn weld! Pob hwyl! Llywelyn2000 (sgwrs) 10:10, 26 Tachwedd 2025 (UTC)Ateb

Oooh - mwynhau! (Yn anffodus, dwi ddim yn disgwyl llawer yn erbyn De Affrica ar hyn o fryd, ond mae gwyrthiau'n digwydd). Byddwn ar y 5ed llawr yn y llyfrgell o 1yh os hoffech chi ddod draw cyn y gêm (a diolch am yr atgoffiad am y rwgbi)!!! Gemma Coleman (WMUK) (sgwrs) 12:03, 26 Tachwedd 2025 (UTC)Ateb

Wedi sylwi bod yr erthygl wedi ei nodi fel un i'w dileu gan Llywelyn2000 gydag un o'r rhesymau: "Dim byd yn nodedig.". Mae cas gen i'r miloedd o erthyglau un llinell o fywgraffiadau sydd ar Wicidpedia. Nifer fawr ohonynt wedi eu creu fel rhan o brosiect "Wicibobl" deng mlynedd yn ôl. Mae angen "prosiect" newydd i wella'r fath erthyglau! Ond rwy'n anghytuno a barn Robin bod 'Druisyn' yn un sydd un mor ddi-nod ag i beidio haeddu erthygl. Roedd yn weinidog Wesla o'r un oed ag Eglwysbach, cafodd y ddau eu geni yr un flwyddyn a'r ddau eu derbyn i'r weinidogaeth yr un pryd. Eglwysbach, yn ddi-os oedd brenin ei enwad yn y cyfnod, ond roedd 'Druisyn' yn dywysog amlwg. Rwyf wedi symud yr erthygl wreiddiol o David 'Druisyn' Jones (gweinidog a llenor) i David Jones (Druisyn) ac wedi ei wella. Mae llawer iawn fwy gallwn ychwanegu ato, ond rwy'n gobeithio bod y pwt o ychwanegiad yn ddigon i berswadio Robin o haeddiant lle Druisyn yn ein harlwy AlwynapHuw (sgwrs) 03:20, 3 Rhagfyr 2025 (UTC)Ateb

Pwrpas Tudalenau Sgwrs ar ein herthyglau yw rhoi lle i drafodaethau fel hyn, Alwyn, neu bydd y Caffi'n boddi gyda manion.

Drwy greu erthygl newydd sbon ac ailgyfieriad, dyw 'Hanes yr Erthygl', bellach, ddim ar y dudalen newydd. Mi wnai gynnwys pwt yn fano i gywiro hyn. Er mwyn cadw'r erthygl wreiddiol, y dull arferol yw symud y dudalen a thrwy wneud hyn mae hanes y dudalen (a phwy a'i chreodd) yn mynd gyda hi.

Amlygrwydd. Doedd yr erthygl ddim yn cynnwys y wybodaeth ti'n ei nodi fod Druisyn yn nodedig am fod yn 'dywysog amlwg ei enwad'. Ond dyw'r erthygl newydd ddim chwaith. Heb gyfeiriadaeth i ffynhonnell solad, gall person ddim fod yn nodedig. Mae ein polisi (Wicipedia:Amlygrwydd) yn nodi'r meini prawf. Efallai fod y dyn yn nodedig, ond doedd yr erthygl fel ag yr oedd ddim yn dweud hynny. Er enghraifft pe bai'r erthygl Wici ar Druisyn wedi nodi fod erthygl arno yn y Y Bywgraffiadur Cymreig (a chyfeiriad i'r wefan honno) yna byddai'n nodedig.

'Wicibobl' - doedd gen i ddim i'w wneud gyda'r prosiect yma, Alwyn, ar wahan i awgrymu (gydag eraill) fod angen mwy o gnawd ar yr erthyglau. Prosiect y LlyfrGen ydoedd.

Yn olaf, wnes i ychwanegu'r Nodyn ar yr erthygl gyda mwy nag un rheswm: Dim byd yn nodedig. Dim cyfeiriadaeth. Dim Categori. Ddim chwaith yn cyrraedd y lleiafrif sydd ei angen (2 baragraff) a dim gwybodlen. Nid fod y gwrthrych yn nodedig yn unig. Cofion cynnes... Robin - Llywelyn2000 (sgwrs) 07:50, 3 Rhagfyr 2025 (UTC)Ateb

@Llywelyn2000:@AlwynapHuw: Pan welais i'r erthygl wreiddiol, deallais fod nodyn Robin yn golygu bod ganddi nifer o broblemau yr oedd angen eu datrys cyn iddi gyrraedd safon dderbyniol. Un ohonynt oedd nad oedd yn egluro pam roedd Druisyn yn nodedig. Edrychais i o gwmpas i weld a oedd ateb cyflym, ond heb lwyddiant. Ac yn awr mae Alwyn wedi gwneud gwaith gwych i ddangos yr union beth roedd Robin yn chwilio amdano. Felly gweithiodd popeth yn y ffordd y dylai. Pan oeddwn i'n ennill fy mywoliaeth fel golygydd, fy arwyddair oedd: "Ni allaf i obeithio gwneud y llyfr hwn yn berffaith, ond gallaf i geisio ei wneud yn well." A dyna'r cyfan y gallwn ni ei wneud gyda phrosiect mor enfawr â Wicipedia: daliwch ati a brwydro yn erbyn y talcen caled. Diolch i bawb am eu hymdrechion! Dafydd Craigysgafn (sgwrs) 09:58, 3 Rhagfyr 2025 (UTC)Ateb

Rhoddodd rhywun nodyn uwch ben yr erthygl yn fwgwth ei ddileu. Mi ysgrifennais i erthygl deg am yr wrthrych, ac rwy'n cael fy meirniadu! Naw wfft i'r fath nonsens! AlwynapHuw (sgwrs) 03:13, 4 Ionawr 2026 (UTC)Ateb

Chwilio am rywbeth ymlaciol i wneud ar Wiki dros y cyfnod Dolig? Neu rywbeth hawdd i ddenu eraill i gyfrannu i'r bydysawd Wici? Beth am chwarae "The Distributed Game"? (lot gwell na Monopoly!)

Mae'n gêm sy'n wedi cael ei chreu er mwyn cyfateb erthyglau a chategorïau Wici newydd gyda gwrthrychau Wikidata ac mae'n bosib cyfatebu erthyglau ar Wicipedia Cymraeg gyda'r gwrthrych perthnasol ar Wikidata - dolen yma https://wikidata-game.toolforge.org/distributed/#game=82&opt={%22type%22%3A%22cy%22}. Darllenwch y crynodeb o'r erthygl Cymraeg a phenderfynu os mae'n ynghylch y gwrthrych Wikidata neu na (neu ddewis "Skip")

Rhywbeth hawdd i wneud o'r soffa am Wicipedwyr brwdfrydig ond yn hefyd yn addas am siaradwyr Cymraeg llai hyderus neu ddysgwyr achos y cyfan sy'n eu hangen yw digon o Gymraeg i wybod os bydd y crynodeb yn berthnasol i'r gwrthrych Wikidata ac mae opsiwn i hepgor os dydyn nhw ddim yn deall. Gemma Coleman (WMUK) (sgwrs) 11:39, 23 Rhagfyr 2025 (UTC)Ateb

Welais i'r neges isod mewn un o'r grwpiau Wiki Telegram ddoe gan y crëwr o "The Distributed Game"

"Just to note the amazingness of the Welsh community, there are now 0 potential matches for cywiki in the game! (until more articles are created...)"

Jobyn gwych pawb! Gemma Coleman (WMUK) (sgwrs) 11:24, 14 Ionawr 2026 (UTC)Ateb

Ar y cyntaf o Ionawr pob blwyddyn bydd llyfrau awduron a fu farw dros 70 o flynyddoedd namyn ddiwrnod yng nghynt yn dod yn rhydd o hawlfraint. Ar Ddydd Iau bydd gweithiau'r awduron Cymraeg isod, a fu farw ym 1955, ymysg y rhai sydd yn dod yn rhydd o hawlfraint:

• James Ifano Jones (Ifano), Llyfrgellydd
• William Ambrose Bebb—tua 20 o lyfrau
• Edward Morgan Humphreys—Dirgelwch yr anialwch (1911), Rhwng rhyfeloedd (d.d.); Yr etifedd coll (d.d.); Y llaw gudd (1924); Cymru a'r wasg (1924); Dirgelwch Gallt y Ffrwd (1938); Detholiad o lythyrau'r hen ffarmwr (1939); D. Lloyd George (1943); Ceulan y Llyn du (1944); Y wasg yng Nghymru (1945); Gwŷr enwog gynt, 1 (1950); Profiadau golygydd (1950); Gwŷr enwog gynt, 2 (1953);
• David Bowen (Myfyr Hefin)—Oriau Hefin (1902), Emynau pen y mynydd (1905) Cerddi Brycheiniog (1912). Llyfrau coffa ei frawd Ben Bowen
• Thomas Jones—Cerrig milltir (1942) a nifer o lyfrau Saesneg
• John Pierce—Tri mewn trybini (1933), Dan lenni'r nos (1938), Blacmel (1946)
• William Philip Jones—esboniadau
• Robert Dewi Williams—Clawdd Terfyn,
• Gwilym Davies—Y Byd ddoe a heddiw

AlwynapHuw (sgwrs) 02:41, 30 Rhagfyr 2025 (UTC)Ateb

Rwyf wedi sôn am Lyfrgell Wicipedia o'r blaen, adnodd o ffynonellau academaidd ac eraill sydd yn costio lawer i danysgrifio iddynt, fel arfer, ond sydd ar gael am ddim i olygwyr cyson safleoedd Wici. Adnodd newydd sydd wedi ychwanegu at yr arlwy yw "The British Newspaper Archive" sydd yn cynnwys nifer o bapurau newyddion lleol a Phrydeinig hyd at 1999. Trysor os am ysgrifennu erthyglau am bobl neu ddigwyddiadau hyd at chwarter canrif yn ôl!

Mae modd cael tanysgrifiad i'r llyfrgell os:

• Mae gennych gyfrif sydd o leiaf 6 mis oed
• Rydych wedi gwneud o leiaf 500 o olygiadau i brosiectau Wikimedia
• Rydych wedi gwneud o leiaf 10 golygiad i brosiectau Wikimedia yn ystod y mis diwethaf
• Nid ydych wedi'ch rhwystro rhag golygu prosiect Wikimedia ar hyn o bryd

Mae'n wirioneddol werth chweil cael mynediad i'r llyfrgell gweler https://wikipedialibrary.wmflabs.org/ am fanylion AlwynapHuw (sgwrs) 05:09, 6 Ionawr 2026 (UTC)Ateb

Dw i wedi clywed dipyn am hwn ond erioed wedi tanysgrifo / cofrestru. Bydd dy ddolen ac esboniad yn arbed hanner awr! Diolch o galon. Llywelyn2000 (sgwrs) 10:24, 6 Ionawr 2026 (UTC)Ateb

Diolch am hwn Alwyn. Rwy wedi bod yn defnyddio Newsbank drwy gofrestriad y Llyfrgell Gen. Oes angen cofrestru ar wahan i'r "British Newspaper Archive" felly, er fod y ddolen yn dechrau o Lyfrgell Wicipedia? Un peth anffodus rwy wedi sylwi yw diffyg deunydd papurau fel y Western Mail o'r 1980au/1990au. Mae stwff o 2000 ymlaen i gael yn electronig drwy Newsbank, a mae yna sganiau hen iawn ar gael ond dim byd yn y canol. Dafyddt (sgwrs) 13:31, 6 Ionawr 2026 (UTC)Ateb

Ar y cyfan mae'r papurau newyddion sydd ar gael trwy docyn darllen LlGC yn deitlau mawr Prydeinig, y Times, y Guardian, y Daily Mirror ac ati. Mae British Newspaper Archive efo mwy o bapurau rhanbarthol a lleol megis Daily Post, Western Mail a rhai lleol fel y North Wales Weekly News, Cambrian News, Cardiff Post. Mae rhai o bapurau Cymraeg yno hefyd Y Dydd yr Herald Gymraeg ac ati (ond nid Y Cymro ysywaeth). Mae Llyfrgell Wicipedia hefyd yn cynnwys mynediad at safleoedd fel NewspaperARCHIVE.com, efo papurau o'r UD a Chanada a Newspapers.com (rhan o deulu Ancestry.Com) sydd â phapurau o bob gwlad ac iaith. AlwynapHuw (sgwrs) 01:24, 7 Ionawr 2026 (UTC)Ateb

Gweler dudalen sgwrs y Cateogri "Cerddi Cymraeg" (sorri, ddim yn siwr sut i greu dolen i dudalen sgwrs cateogri. Dwi'n meddwl bod hyn yn gwestiwn all fod yn berthnasol at lawer o bethau eraill heblaw cerddi, sef unrhywbeth y gellir ei osod o fewn uwch-gategori ac hefyd is-gategori.

I grynhoi fy sylwadau yna: mae rhai cerddi ar wicipedia yn yr uwch gateori "Cerddi cymraeg" a rhai wedyn dim ond mewn is-gategoriau e.e. "Cerddi cymraeg am farwolaeth", "Pryddestau", "Cerddi Cymraeg o Gymru" ac ati, a llawer ohonynt yn y ddau. Rydw i wedi rhoi pob cerdd dwi wedi creu tudalen iddi yn yr uwchgategori (a weithiau'r isgategoriau hefyd) gan fy mod i'n gweld budd mewn cael un rhestr gynhwysfawr o bob cerdd cymraeg â thudalen iddi ar wicipedia, nad yw'n bodoli ar hyn o bryd. Ond mae defnyddiwr eraill wedi symud rhai o'r cerddi allan o'r uwch-gategori yna. Oes consensws?--Figaro (sgwrs) 08:14, 9 Ionawr 2026 (UTC)Ateb

Dyma ddolen i'r tudalen: Sgwrs Categori:Cerddi Cymraeg. Craigysgafn (sgwrs) 14:49, 9 Ionawr 2026 (UTC)Ateb

Diolch. @Adda'r Yw oedd yr defnyddiwr symudodd 'Y Gorwel' - tybed a fyddent yn fodlon eglur eu rhesymeg? Figaro (sgwrs) 15:07, 9 Ionawr 2026 (UTC)Ateb

Diolch Figaro, rydw i wedi ymateb ar y dudalen sgwrs. —Adda'r Yw (sgwrs · cyfraniadau) 22:55, 9 Ionawr 2026 (UTC)Ateb

Blwyddyn Newydd Dda pawb! Gobeithio gawsoch chi gyd amser i ymlacio a mwynhau dros y Nadolig.

Dwi'n gwybod am ddau beth Wiki sy'n digwydd dros fis Ionawr gyda chysylltiad i Gymru neu'r Gymraeg (ond os mae mwy yn digwydd dwi'n mwy na hapus i gefnogi neu hybu nhw - rhowch wybod i fi)!

Dydd Sadwrn 17eg Ionawr AR-LEIN (ail-drefnwyd o'r 6ed Rhagfyr) - “Revitalising UK history 2” - digwyddiad sy’n bwriadu at ychwanegu a chyfieithu labeli a disgrifiadau eitemau Wikidata i nifer o ieithoedd gwahanol yn gynnwys Cymraeg. (Ond yn anffodus, dyma'r un amser â "Navigating Challenging Spaces", digwyddiad arall ar-lein.)

Dydd Iau 22ain Ionawr yng Nghaerdydd Wiki Meet Up yn Bru Coffee (Heol y Frenhines) 6yh

Rydym hefyd yn chwilio am wirfoddolwyr i helpu gyda Wiki Loves Folklore sy'n dechrau 1af Chwefror. Fwy o wybodaeth yma neu cysylltwch fi ar gemma.coleman@wikimedia.org.uk.

Ac i orffen, dyma'r ddolen i'r cylchlythyr Ionawr ar gyfer unrhyw un sy ddim wedi tanysgrifio ond hoffwn gael y gwybodaeth Gemma Coleman (WMUK) (sgwrs) 16:37, 7 Ionawr 2026 (UTC)Ateb

Tybed gai holi ynglŷn â phwy sydd wedi penderfynu cael enwau gwledydd de Amercia wedi'u sillafu mewn Cymraeg ffonetig reit od? EE Feneswela, Tsile, Wrwgwái etc.

Heblaw am fod yn ddryslyd ac anghyfarwydd i ddefnyddwyr Wicipedia, onid hyn i gyd yr un fath o beth a sillafu "Caernarfon" yn "Karnarvon" gyda "K" a "V" - fyddai ddim yn dderbyniol i ninnau??

Oni fyddai'n dangos parch i bobloedd y gweldydd yno i ddefnyddio'r enwau fel sydd yn eu hiaithoedd nhw, EE "Venezuela"?

Hyd y gwyddai i, unig wlad de America gydag enw Cymraeg sy wedi datblygu’n naturiol ydy "Yr Ariannin".

Yn sicr does 'na'r un siaradwr Cymraeg sy'n galw prif ddinas Rwsia yn "Moscfa"??? Neu os am gadw at y defn yno, I fod y gyson, dylai "Buenos Aires"  troi'n "Bwenos Eires", "Chicago" yn "Tsicago" a "Leipzig" yn "Leibtsich"?

-- Mae ddrwg iawn gennyf swnio fel swnyn!! Mae Wicipeida yn hollol wych... a llawer o ddiolch i bawb am eu holl waith ffantastig!

Llawer o ddiolch

Huw Huw P (sgwrs) 19:53, 11 Ionawr 2026 (UTC)Ateb

Haia Huw, a diolch am dy gwestiwn a'th bryder. Os oes un maes sydd wedi rhannu cymuned WP dros y blynyddoedd, yna dyma fo!!! Ond, mae angen ail-godi'r peth, wrth gwrs, a newid cyfeiriad os oes angen.

Mae enw pob gwlad yn cael ei ystyried ar dudalen Sgwrs y wlad honno. Cymer olwg rai ohonynt yn gyntaf.

Dyma ein polisi: Wicipedia:Arddull#Gwledydd, sydd wedi esblygu dros yr ugain mlynedd diwethaf a dyma dabl gyda ein henw dethol yn y golofn olaf: Amrywiadau ar enwau gwledydd yn Gymraeg.

Efallai erbyn hyn fod angen hefyd colofn arall yn y tabl uchod: colofn i waith Comisiynydd y Gymraeg ac Uned Ddata a Chyfnewid, Llywodraeth Cymru; roedd Dylan Foster Evans yn rhan o'r gwaith hwn ac mae'n golygu yma bob yn hyn a hyn dan yr enw Troellwr. Byddai hyn yn fan cychwyn da: colofn newydd (yr olaf ond un o'r dde), gyda'u hawgrym nhw. Yna trafodaeth cyffredinol yma yn y Caffi. Dyna fy awgrym, ond mae gan lawer iawn ddiddordeb yn yr hyn rwyt ti'n ei godi, dwi'n siwr!

Bydd barod! Rwan ta, gad i mi nol ecsoset neu ddau...

Cofion cynnes - Llywelyn2000 (sgwrs) 20:43, 11 Ionawr 2026 (UTC)Ateb

Heia Huw. Mae pwnc enwau gwledydd yn ddadl hen iawn ar Wicipedia (cafwyd y trafodaethau cyntaf dros 20 mlynedd yn ôl!). Bu sawl defnyddiwr o blaid dilyn safonau'r drefn addysg ar y pryd (Yr Atlas Cymraeg Newydd), sy'n defnyddio'r ffurfiau brodorol gan amlaf (ac eithrio enwau cyffredin iawn megis Ffrainc a'r Aifft, wrth gwrs), a defnyddwyr eraill o blaid ffurfiau wedi eu Cymreigio, yn enwedig os oedd enghreifftiau o'r ffurfiau hynny mewn geiriaduron, gwefannau a thestunau Cymraeg. Cafodd yr atlas ei feirniadu am ambell dewis rhyfedd megis "Ukrain" a "Slovenija". Am ddeng mlynedd gyntaf y prosiect, nid oedd cysondeb. Yn 2013, cytunwyd ar bolisi o dderbyn sillafiad Geiriadur yr Academi (sy'n llawn esiamplau megis Feneswela ac Wrwgwái), ac i ddefnyddio ffurf ffonetig os nad yw'r enw yn y geiriadur.

Bellach, fel y noder Llywelyn, mae Llywodraeth Cymru argymell rhestr ei hun ar gyfer enwau gwledydd yn Gymraeg, gan gynnwys nifer o enwau nad ydynt yn Yr Atlas Cymraeg Newydd (e.e. Affganistan, Ciwba, Mecsico, Wcráin), ac mewn ambell achos hyd yn oed yn cadw'r ffurf Saesneg (Cape Verde, Philippines).

Nid oes polisi ynglŷn â dinasoedd, taleithiau, ac ati. Fel rheol defnyddir y ffurf frodorol os nad oes enw Cymraeg traddodiadol, ond gall hyn fod yn ddewis ansicr os tybier y byddai darllenwyr Cymraeg yn fwy cyfarwydd â'r enw Saesneg neu Gymreigiad ohonno (e.e. Copenhagen/København, Prag[ue]/Praha, Belgrad[e]/Beograd). Yn achos Moscfa, dyma'r sgwrs ynglŷn â'r enw (o ddeunaw mlynedd yn ôl). Mae croeso iti ail-agor trafodaeth am yr enw hwnnw. —Adda'r Yw (sgwrs · cyfraniadau) 21:22, 11 Ionawr 2026 (UTC)Ateb

Er fy mod i wedi bod yn golygu yma ers blynyddoedd bellach, wnes i ddim cymryd rhan yn y broses o ddewis y rhestr o enwau'r gwledydd. Dw i'n hoffi rhai o'r dewisiadau; mae yna eraill nad ydw i mor hoff ohonyn nhw. Does dim ots. Nid yw chwaeth bersonol yn fater o bwys mewn menter gydweithredol fel Wicipedia. Felly dw i wedi treulio oriau lawer yn ceisio sicrhau mai'r enwau yn y rhestr o ffurfiau dewisol yw'r rhai sy'n cael eu defnyddio ar ein tudalennau mewn gwirionedd. O ran pwnc fel hwn, does dim atebion perffaith – dim ond dewisiadau ymarferol ac anymarferol. Gadewch i ni beidio â newid dim oni bai bod angen dybryd amdano! --Craigysgafn (sgwrs) 23:02, 11 Ionawr 2026 (UTC)Ateb

Byddai'n wych ychwanegu rhestr BydTermCymru (hynny yw, rhestr y Llywodraeth a gyfeirir ato uchod) at Amrywiadau ar enwau gwledydd yn Gymraeg. (Dylem gasglu rhestrau fel yr un yma, Rhestr Cymraeg o enwau Groeg yr Henfyd, Enwau Cymraeg teyrnoedd Lloegr a Phrydain, ac unryw rai tebyg at ei gilydd rywsut. Tudalennau cymorth ar gyfer golygwyr ydyn nhw yn y bôn, yn fy marn i. Efallai dylsent i gyd fod yn Categori:Cymorth, neu is-gategori newydd.) Mae'r esboniad o'r egwyddorion ar gyfer 'enwau gwladwriaethau, tiriogaethau a chenhedloedd diwladwriaeth' yn Gymraeg sydd yn Yr Arddulliadur (rhan o wefan BydTermCymru) hefyd werth ei ddarllen.

Er fy mod innau'n hoffi 'Moscfa', Mosgo yw'r unig ffurf sydd yng Ngeiriadur yr Academi (os ydym am gael yr un agwedd at enwau lleoedd yn gyffredinol ag sydd gennym at enwau gwledydd). Nid oes ffurfiau yno ar gyfer Copenhagen, Prag na Beograd. Ham II (sgwrs) 10:50, 24 Ionawr 2026 (UTC)Ateb

Cytuno, Ham: (neu 'Mosgo'). 'Moscow' fyddai dewis naturiol pawb bron' nododd Anatiomaros dro'n ol ar dudalen sgwrs y brifddinas. Oes dadl gref dros gadw 'Moscfa', os yw'r ffynonellau'n nodi nodi 'Mosgo'? Llywelyn2000 (sgwrs) 09:14, 27 Ionawr 2026 (UTC)Ateb

Parhad ar dudalen Sgwrs yr erthygl: Sgwrs:Moscfa. Llywelyn2000 (sgwrs) 09:35, 25 Chwefror 2026 (UTC)Ateb

Fel rhan o drefnu fy ngwaith ar gyfer 2026, hoffwn glywed pa fath o gefnogaeth, digwyddiadau, prosiectau ac ati mae'r gymuned Wici eisiau eu gweld dros y flwyddyn nesaf. Dwi wedi creu holiadur byr gyda rhai cwestiynau i ysgogi syniadau ond i unrhyw un sy'n casáu holiaduron, mae croeso mawr i chi e-bostio eich syniadau ataf (gemma.coleman@wikimedia.org.uk) neu, os oes gennych syniad / digwyddiad hoffech ei drafod yn fanwl, byddwn yn hapus i drefnu cyfarfod i weld sut gallaf helpu. Gemma Coleman (WMUK) (sgwrs) 12:56, 14 Ionawr 2026 (UTC)Ateb

Dyma fo. Angen gwerthuso / cymharu! Llywelyn2000 (sgwrs) 17:55, 29 Ionawr 2026 (UTC)Ateb

Diolch, Robyn. Dyma weledigaeth o'r dyfodol, a hynny'n un druenus. Mae'r canlyniadau Grokipedia'n edrych yn gredadwy, ond y tu ôl iddyn nhw mae agenda asgell dde Mr Musk. Nid gwybodaeth wrthrychol a gasglwyd gan ddeallusrwydd artiffisial o'r ffynonellau gorau yw hon. Mae erthyglau fel "Welsh Language Society" neu "Welsh Government" yn dechrau'n dda, ond, erbyn y diweddglo, maen nhw'n diferu gwenwyn, gan dynnu sylw at yr holl fethiannau ac agweddau negyddol ar y pwnc. Mae'r frawddeg ganlynol o'r erthygl "Llyn Celyn" yn rhoi blas o'r arddull:

The slogan "Cofiwch Dryweryn" emerged as a enduring emblem, appearing in graffiti, publications, and roadside memorials, yet the event's portrayal as profound national trauma exceeds the empirical social disruption limited to a single valley's inhabitants.

Ac mae hynny'n datgelu'r gêm. Dim ond "portrayal" yw'r peth. Does dim teimlad dynol yma. Mae'n annynol, yn llythrennol. Mae'r diffyg cydymdeimlad hwn yn treiddio'r fenter.

Ac wyddoch chi beth? Byddai'n cymryd dim ond ychydig oriau i ddefnyddio cyfieithu awtomatig i drosi'r cyfan i'r Gymraeg (o ryw fath). Craigysgafn (sgwrs) 10:54, 30 Ionawr 2026 (UTC)Ateb

@Llywelyn2000 Doedd gennyf ddim bwriad gwastraffu fy amser, ond mi wnaeth sylw @Craigysgafn fi'n chwilfrydig. Mae'r erthygl ar Gymdeithas Edward Llwyd yn hynod o hir, ac mae'r adran 'Impact an Legacy' efallai'n golrlywio eu llwyddiant, er yn nodi llwyddiannau yn daclus. Beth am tarodd oedd mai llun o Gomin Wikimedia oedd ffynhonnell un ffaith, ond yn wahanol i bob cyfeiriad arall, doedd dim modd clicio ar y ddolen yma - dyna beth yw pettyǃ

Es i wedyn i edrych ar erthygl am y Senedd, gan ddisgwyl mwy o 'gydbwysedd' yno. Beth am tarodd yno wedyn oedd nad oedd wedi cael ei ddiaddaru i adlewyrchu bod Laura Ann Jones a James Evans wedi newid eu lliwiau. Dyma wedyn sylweddoli sut mae erthyglau'n cael eu golygu/diweddaru - all unigolion ddim gwneud, ond gallant gynnig gwelliannau sy'n gweithio fel prompts, a gweld as cânt eu derbyn neu eu gwrthod. Fel arall, dychmygaf bod y wici ei hun yn crafu'r we yn achlysurol i weld os bu newidiadau, ond o feddwl bod LAJ wedi gadael y Ceidwadwyr 6 mis yn ôl bellach, dydy o ddim yn digwydd yn aml debyg.

O ran trosi'r wefan i ieithoedd eraill, gan fod cyfieithu peirianyddol yn reit galluog ers tro, er ddim yn hollol berffaith, mae'n dweud tipyn mai mewn un iaith yn unig, yr iaith fain, y mae ar gael. Rhyswynne (sgwrs) 13:48, 30 Ionawr 2026 (UTC)Ateb

Newydd ddarllen ymhellach, ac mae ymddengys bod o wedi cael ei ddiweddaru wedi mis Hydref 2025 i gynnwys canlyniad is-etholaid Caerffili, ond mae wedi methu'r ddau newid arall, ac mae wedi drysu'n llwyr ac yn meddwl y cafodd Mark Reckless ei ethol yn Aelod yn 2021.

Current composition as of 2025

As of October 26, 2025, the Senedd comprises 60 members, with Welsh Labour holding 29 seats, Plaid Cymru 14, the Welsh Conservatives 16, the Welsh Liberal Democrats 1, and one independent member.[106][113] This distribution reflects the outcome of the 2021 election, adjusted for the October 23, 2025, Caerphilly by-election, in which Plaid Cymru's Lindsay Whittle captured the seat from Labour following the death of incumbent Hefin David, reducing Labour's total from 30.[113][114] No other changes to party representation have occurred since the 2021 results, which initially yielded Labour 30 seats, Conservatives 16, Plaid Cymru 13, Liberal Democrats 1, and independent Mark Reckless 1. Rhyswynne (sgwrs) 14:01, 30 Ionawr 2026 (UTC)Ateb

Rwy wedi ceisio defnyddio teclynnau fel chatgpt i wneud ymchwil ar y we a chreu erthygl Wicipedia yn hawdd. Yn anffodus doedd e ddim yn llwyddiant mawr. Roedd yna rhai ffeithiau cywir a rhai hollol anghywir. Mae yna dueddiad hefyd i gynhyrchu testun blodeuog, ail-adroddus a gormod o eiriau, a lliwio y testun gyda safbwynt olygyddol (er mai peiriant yw e) heb dystiolaeth.

Un o'r ffaeleddau mawr yw fod e'n cymeryd pob testun posib ar y we er mwyn ei gynnwys mewn un talp mawr driphlith draphlith. Mae hyn yn wahanol i ymchwilydd sy'n ceisio chwilio am fwy nag un ffynhonnell i croes-gyfeirio ffeithiau. Mae Grokipedia yr un fath a LLMs eraill. Er enghraifft fe edryches i ar erthygl Dafydd Hywel, un wnes i sgrifennu o ymchwil gwreiddiol ar Wicipedia. Yn fersiwn Grokipedia mae yna bethau rhyfedd fel "Dafydd Hywel was deeply rooted in his family from Garnant, Carmarthenshire, where he drew significant support throughout his adult life, maintaining a stable and private personal existence alongside his professional commitments." Does dim llawer o synnwyr i'r frawddeg ond mae hwn yn rhith llwyr yn bennaf am nad oedd e'n gallu dod o hyd i wybodaeth bersonol. Mae e hefyd yn dweud fod Sharon Morgan yn nith iddo. Mae yna dudalen gan S4C yn dweud hynny, ond camgymeriad yw. Mewn cyfweliad sain gyda Radio Cymru mae hi'n dweud mai cefnder i'w mam oedd.

Mae'r cynnwys blodeuog o LLMs yn gallu bod yn gymorth i greu testun llai sych, ond mae angen gwirio pob ffaith o'r dechrau. Y peth gwaethaf am wn i gyda Grokipedia yw nad yw'n dangos Wicipedia fel ffynhonnell er fod e'n eitha amlwg fod y cynnwys o fan hyn wedi ei ddefnyddio yn y gymysgedd. Dafyddt (sgwrs) 16:16, 30 Ionawr 2026 (UTC)Ateb

Gyda llaw, dyma ran o'r erthygl "Grokipedia" yn Grokipedia ei hun:

Elon Musk's longstanding criticisms of Wikipedia, particularly its perceived political and ideological biases and reliance on crowdsourced editing, served as key drivers for developing Grokipedia. Musk argued that Wikipedia had been influenced by what he termed the "woke mind virus," leading to skewed representations of facts, which motivated the pursuit of a top-down AI-curated encyclopedia to ensure more objective coverage.

Ffordd arall o ddisgrifio'r "Woke Mind Virus" yw dangos cwrteisi, cydymdeimlad, a meddwl agored. Cyfarchion i'm cyd-ddioddefwyr o'r haint ofnadwy hwn. Craigysgafn (sgwrs) 17:28, 30 Ionawr 2026 (UTC)Ateb

Diddorol iawn! Diolch i bawb am wyntyllu hyn oll. O ran AI, efallai y dylem ei wahardd yn uniongyrchol o cy-wici; ein defnydd o law-a-llygad dynol sy'n gwneud Wicipedia'n unigryw, yn gymharol gywir ac yn Gymreig. Llywelyn2000 (sgwrs) 10:07, 16 Ebrill 2026 (UTC)Ateb

Dwi'n meddwl y dylai fod erthygl am "Doctor Cymraeg", sef Stephen Rule, Wrecsam. Yn siaradwr ail iaith ei hun, mae wedi gwneud ymdrech enfawr i hyrwyddo'r iaith ac i helpu dysgwyr, ledled y byd ac o bob lefel, ac mae wedi cael ei anrhydeddu i'r Orsedd am hyn. Mae wedi bod erthyglau amdano yn y wasg Gymraeg. Mae ganddo 75,000 o ddilynwyr, yn ôl erthygl ar wefan yr Eisteddfod Genedlaethol a gyhoeddwyd y llynedd.

Gallaf gadarnhau nad ydw i'n gysylltiedig â fe, heblaw am fy mod wedi siarad â fe'n fyr mewn digwyddiad cyhoeddus, felly dwi'n gobeithio nad yw'r awgrym hwn yn arwain at bryderon am wrthdaro buddiannau.

Mae'n ddrwg gen i nad ydw i'n gwirfoddoli i'w hysgrifennu, ond mae'n awgrym y gallwch ei ystyried os nad ydych yn rhy brysur. Dwi'n siŵr bod yr erthyglau yn y wasg yn cynnwys digon o wybodaeth i seilio erthygl arni heb gopïo testun sy dan hawlfraint.

Diolch yn fawr. Gwyliau siocled (sgwrs) 03:39, 31 Ionawr 2026 (UTC)Ateb

Diolch am y proc. Mae wedi cael dipyn o sylw ar Radio Cymru, os yw hynny'n unrhyw fesur o ba mor nodedig yw person. Pam nad wyt am greu erthygl ar Stephen? Llywelyn2000 (sgwrs) 08:04, 31 Ionawr 2026 (UTC)Ateb

Mae'r gystadleuaeth ffotograffiaeth "Wiki Loves Folklore" nawr wedi dechrau ac yn rhedeg tan 31ain Mawrth. Byddwn gwych i gael llwyth o luniau sy'n dangos ein diwylliant yma yng Nghymru neu i ddefnyddio'r lluniau sy'n wedi uwchlwytho i wella erthyglau yma ar Wicipedia.

I gymryd rhan ewch i'r tudalen cystadleuaeth Cymru ar Commons neu i ddod o hyd lluniau i ddefnyddio, ewch i'r categori ar Commons am ysbrydoliaeth. Gemma Coleman (WMUK) (sgwrs) 10:59, 19 Chwefror 2026 (UTC)Ateb

Haia! Am unrhyw un sy'n fyw ger Machynlleth mae golygathon yna wythnos nesaf ar 7fed Mawrth. Manylion llawn yma ond byddai'n hyfryd i gwrdd ag unrhyw un sy'n gallu mynychu neu byddai unrhyw help gyda'r hybu'r digwyddiad yn derbyn yn ddiolchgar! Gemma Coleman (WMUK) (sgwrs) 09:59, 25 Chwefror 2026 (UTC)Ateb

Cawson ni amser hyfryd dydd Sadwrn diwethaf yn y golygathon uchod - dyma'r dashboard sy'n dangos pa olygiadau wnaethon ni. Dydyn ni ddim cwblhau popeth felly os mae unrhyw un yma chwilio am ysbrydoliaeth am beth i olygu, dyma yw'r rhestr gwaith y digwyddiad gyda thab ar gyfer tasgau Cymraeg.

Hefyd dwi'n wastad am hapus i gael esgus i gynnal digwyddiadau felly plîs rhowch wybod i fi am ba fath o bethau hoffech chi weld drwy fy holiadur byr (cau diwedd y mis) neu anfon neges ataf i. Gemma Coleman (WMUK) (sgwrs) 16:14, 10 Mawrth 2026 (UTC)Ateb

Neges i'r gweinyddwyr - yn hanes y dudalen am Eco'r Wyddfa, fe welwch fanylion cyswllt ar gyfer nifer o bobl, fel yr oeddent yn 2009. Os gallwch waredu'r hen fersiynau dan sylw, byddai'n dda. Diolch yn fawr

https://cy.wikipedia.org/w/index.php?title=Eco%27r_Wyddfa&action=history

~2026-90174-2 (sgwrs) 22:41, 28 Chwefror 2026 (UTC)Ateb

Dwi ddim yn siwr os oes modd dileu yr hanes - dyna yw un o hanfodion Wicipedia, sef bod modd gweld pob fersiwn er tryloywder. Ceisiais ffordd o amglych hyn drwy ddileu'r erthygl cyfan a'i hailgreu gyda gwybodaeth y fersiwn diwethaf, ond mae'n dal i fod â dolen at hanes yr hen un, gan fod enw'r erthygl union yr un fath. Efallai bod gan rhywun arall gynnig gwell, ond fy nghynnig arall fyddai dileu eto, ond defnyddio enw gwahanol i greu'r un nesaf, e.e. Eco'r Wyddfa (papur bro). Wna i ddim gwneud dim byd nes bod eraill wedi cael cyfle i weld y neges hon. Rhyswynne (sgwrs) 13:22, 5 Mawrth 2026 (UTC)Ateb

Mae'r hanes wedi ei gyfyngu i Weinyddwr nawr fod ti wedi ei ail-greu Rhys. Rwy'n credu fod hi'n bosib newid gwelededd unrhyw fersiwn i wneud yr un peth, heb orfod ail-greu y dudalen. Dafyddt (sgwrs) 15:23, 15 Mawrth 2026 (UTC)Ateb

Cyhoeddwyd "Y Tri Chyfandir Deheuol" gan H. G Evans ym 1970, hyd y gwyddwn ni chafodd ei ail gyhoeddi. Maen llyfr pwysig, yr unig lyfr ar y pwnc i'w gyhoeddi yn y Gymraeg. Rwy'n nabod yr awdur, cefais blas y gansen ganddo pan oedd yn brifathro Ysgol y Gader, ym 1971, rwyf bellach yn hen bensiynwr! Rwy'n credu bod Mr Evans dal ar dir y byw, gan hynny ni fydd ei lyfr ar gael i'w ail gyhoeddi gan Wicidestun, Melin Bapur na neb arall tan o leiaf 2077 (gan obeithio pob iechyd i Mr Evans, yn hwyrach byth, o bosib). A dyma broblem rheolau hawlfraint fyd-eang sydd wedi eu seilio ar werthiant llyfrau Saesneg ac ieithoedd mawr eraill. Mae gormod o drysorau'r argraffwasg Cymraeg, ac ieithoedd lleiafrifol eraill yn cael eu colli o gylchrediad, oherwydd yr hawlfraint 70+ mlynedd ar ôl farwolaeth yr awdur. Rwy'n cefnogi hawlfraint awdur os oes werthiant ar y gwaith dros flynyddoedd lawer, ond os na ail gyhoeddwyd llyfr mewn 25 mlynedd, mewn iaith leiafrifol dylai ddod yn rhydd o hawlfraint, er mwyn cadw corpws llên a dysg ein ieithoedd! Pwynt sydd angen ei bwyso gan gefnogwyr yr iaith ar ein llywodrath nesaf! AlwynapHuw (sgwrs) 04:40, 19 Mawrth 2026 (UTC)Ateb

Ia, mae'n biti pan nad oes, yn anffodus, unrhyw werth masnachol bron i ddarn o waith, na chwaith unrhyw ymgais i'w ailgyhoeddi, er elw na fel arall. Sylwaf mai Gomer a'i gyhoeddodd. Ai y Lolfa sydd bellach yn gyfrifol am eu hôl-gatalog? Dwi ddim yn siwr os oes gan Lywodraeth Cymru y grymoedd i newid rheolau hawlfraint yn gyffredinol, ond fe allent a dylent wneud unrhyw arian grant i awduron neu gyhoeddwyr (drwy'r cyngor llyfrau) yn amodol ar ddefnyddio trwyddedau mwy agored. Fyddai hyn ddim help yn achos rhai sydd eisioes wedi eu cyhoeddi'n barod, wrth gwrs. Oni fyddai'n werth mynd at y cyhoeddwyr eu hunain? Wrth wneud chwiliad am Y Tri Chyfandir Deheuol, des ar draws Y Traddodiad Rhyddiaith yn yr Ugeinfed Ganrif – Geraint Bowen (gol.), darlith o 1975 mae'r Coleg Cymraeg wedi ei digideiddio, sy'n cyfeirio athrawon at nifer o destunau Cymraeg gwerth chweil fyddai hefyd yn elwa o gael eu rhoi ar Wicidestun hefyd mae'n siwr petai modd. Efallai gallai hyn fod yn rhywbeth i @Gemma Coleman (WMUK) edrych arno (sori mod i wedi methu dyddiad cau dy holiadur, Gemma!) Rhyswynne (sgwrs) 14:08, 19 Mawrth 2026 (UTC)Ateb

Rwy'n credu mai'r Lolfa bia Gwasg Gomer a S4C bia Hughes a'i fab, mae angen i ni, a'r llywodraeth pwyso arnynt i ryddhau llyfrau mwy na 25 mlwydd oed nad oes debyg iddynt i'w ail gyhoeddi i'r parth cyhoeddus. O roi nhw yn y parth cyhoeddus, does dim i'w rhwystro rhag eu defnyddio i greu adargraffiadau wedi eu diweddaru na chreu ffilmiau / rhaglenni'n seiliedig ar y gweithiau (o dan hawlfraint). Tristwch S4C a'u hawlfraint ar gynnyrch Hughes yw cynifer o storïau da, llyfrau ffeithiol da, llyfrau gwych i blant nad ydynt wedi eu troi yn gynnyrch teledu na ffilm! AlwynapHuw (sgwrs) 03:01, 21 Mawrth 2026 (UTC)Ateb

Yn dibynu ar eiriad yr hawlfraint, fel arfer, oni nodir yn wahanol, yr awdur bia'r hawliau. Gall drosglwyddo rhan neu'r cwbwl i'r cyhoeddwr pan fo'n arwyddo'r cytundeb. Os ydyw yna dywedir hynny yn y llyfr. O ran y Coleg Cymraeg, mae popeth mae nhw'n ei gomisiynu ers rhyw 12 mlynedd ar drwydded agored - ers i Marc Haynes, Wicipediwr Preswyl weithio gyda'r Coleg. Ond, wrth gwrs os mai ail-bobiad ydyw, fel yn yr achos yma, dyw'r egwyddor yma ddim yn berthnasol. Mi faswn i'n mynd ar ol Nia a Sian Bowen ayb a gofyn iddyn nhw'n garedig ei ryddhau, gan ddefnyddio system Comin i gofrestru'l hawlfraint (OTRS). Yr un peth gyda dy gyn-brifathro, Alwyn - ar ei ol o! Mae'r awdur (neu etifedd ystad yr awdur) yn bwysicach na'r wasg oherwydd os nad yw'r wasg wedi marchnata ac ail-gyhoeddi'r llyfr yn y degawd diwethaf, yna mae'r hawliau'n syrthio i ddwylo'r awdur neu ei ystad. Cytuno y byddai nawdd / arian i fynd ar ol awduron / gweisg yn beth da, a chydweithio efo Llywodraeth Cymru hefyd - swydd Wicipediwr Preswyl yn y Llywodraeth o bosib? A dyna'r tro cyntaf i hyn ddigwydd, drwy'r byd! Mae Gareth Morlais (Ll. Cymru) yn gysylltiad da os am drafodaeth bositif am hyn. Gyda llaw, Alwyn, mi ges innau gansen - yn 1969 am wrthod canu God save the prince of Wales'. Llywelyn2000 (sgwrs) 13:11, 23 Mawrth 2026 (UTC)Ateb

Does dim llawer i fi i ychwanegu i’r sgwrs. Dwi hefyd wedi gofyn fy rheolwr am gyngor, a beth ddwedodd hi oedd y ffordd gyflymaf yw i siarad â'r awdur (ble mae'n bosib ac yn briodol wrth gwrs!). Os ydyn nhw’n dal yn bia’r hawlfraint, efallai gallant nhw ryddhau'r llyfr o dan drwydded agored (ond fel nododd Robin, mae hyn hefyd yn dibynnu ar ei gontract gyda'r cyhoeddwr). Os yw hynny'n bosibilrwydd, gall y VRT helpu. Nid yw hwn yn rhywbeth dwi’n gweithio arno ar y funud, ond os oes unrhyw un yma sy’n gweithio gyda gyhoeddwyr neu mewn sgyrsiau gyda chyhoeddwr sydd eisoes yn agored i’r syniad o newid eu telerau hawlfraint, byddwn yn hapus i siarad â nhw. Gemma Coleman (WMUK) (sgwrs) 10:13, 24 Mawrth 2026 (UTC)Ateb

Tra bod dal eisiau mynd ar ôl y cyhoeddwyr rhywsut, oni allai fod yn quick win petaem ni'n gallu darbwyllo ystad awdur sydd wedi'n gadael ni o fewn y 70 mlynedd diwethaf i ryddhau gwaith i'r parth cyhoeddus. Gallaf ddychmygu ambell i ddisgynydd eisiau i waith eu perthynas gael ei ddarllen yn eang, ond ddim yn siwr sut, a does chwaith ddim sicrwydd bydd copi caled (heb sôn am electronig) yn dal i fodoli pan gyrheddwn y trothwy 70 mlynedd, ac mae peryg na fyddai gan y genhedlaeth diweddarach yr un ymwybyddiaeth o bwysigrwydd neu arwyddocad y testun. O ystyried oed y bobl hyn, a fyddai llythyr agroed i bapurau bro a Golwg/Y Cymro yn ffordd dda o gysylltu efo nhw, a ddim yn rhy anodd i'w drefnu? Rhyswynne (sgwrs) 15:57, 24 Mawrth 2026 (UTC)Ateb

Un o’r pethau dwi wedi bod yn meddwl amdano yw cynnig rhyw fath o "Meet Up" yn y Gymraeg ar-lein ar gyfer golygyddion Wicipedia. Gallai fod yn ffordd o gymdeithasu â golygyddion eraill ond gallai hefyd fod yn lle i drafod a threfnu pethau fel yr uchod. Oes diddordeb yma mewn i fi drefnu rhywbeth sy’n cael ei gynnal trwy’r Zoom Wikimedia UK yn yr wythnosau ymlaen? Gemma Coleman (WMUK) (sgwrs) 12:25, 26 Mawrth 2026 (UTC)Ateb

Dw i newydd ddefnyddio BOT-Twm Crys i gyfieithu enwau'r misoedd o fewn y cyfeiriadau ar dros 520 o erthyglau. Dw i'n gwneud hyn bob rhyw 4 i 5 mlynedd, fel gwaith ty. Defnyddiwyd llaw a llygad ar bob un, rhag ofn i 'April Jones', 'Theresa May' a 'June Derry' gael eu Cymreigio! Os oes rhywun am eu gwiro, mae nhw yn fama. Llywelyn2000 (sgwrs) 12:51, 23 Mawrth 2026 (UTC)Ateb

Efo 800,000+ o newidiadau, onid oes angen rhybydd a rheol (yn arbennig wrth gyfieithu) i sicrhau bod dyddiadau yn cael eu gwirio. A gan ei fod yn sicr bod y mwyafrif wedi dod o ddyddiadau o ffynonellau cyfieithiad, onid oes angen ymofyn gwirio ffynhonnell cyn ei ddefnyddio mewn cyfieithiad? (gan gydnabod fy mod i, o bosibl, yn un o'r pechaduriaid) AlwynapHuw (sgwrs) 03:08, 27 Mawrth 2026 (UTC)Ateb

Ia, yn de? Dylai'r Cymhorthydd Cyfieithu wneud y job yn y fan a'r lle. A chytuno mai'r ffynonellau yw'r rhan fwyaf ohonyn nhw. Hen foi diog ydw i yn y bon (pechadur arall!), ac yn aml, mi wna i adael y dyddiadau hyn heb eu cyfieithu gan mod i'n gwybod y daw'r bot mewn blwyddyn neu ddau i wneud y job! Efallai y gallem drefnu (rhywsut) i fot redeg yn otomatig, yn ddyddiol. Sut? Dwn i ddim. Llywelyn2000 (sgwrs) 09:47, 16 Ebrill 2026 (UTC)Ateb

Rwyf newydd wario dwy awr yn ceisio sicrhau bod pob nodyn a themplad ar gyfer creu Nodyn:Music ar gael ar Wicidestun, ond wedi methu efo "lula error at line . . ."

A oes modd defnyddio'r bots i sicrhau bod pob un Nodyn a Themplad a phob css o Wicipidia ar gael i bob un o'n prosiectau Cymraeg eraill? A oes modd eu defnyddio i sicrhau bod pob nodyn a themplad a phob css o'r safleoedd Saesneg ar gael i'r safleoedd Cymraeg? Er enghraifft does dim modd creu tudalen awdur ar Wicidestun na Wiciddyfynnu, oherwydd methu canfod y nodynnau a'r templedi gan nad yw bôl y safleoedd wedi eu diweddaru ers blynyddoedd lawer, ac mae ceisio dal fynnu bron yn amhosibl! 02:36, 27 Mawrth 2026 (UTC) AlwynapHuw (sgwrs) 02:36, 27 Mawrth 2026 (UTC)Ateb

O, Mam bach! Gofyn am help gyda'r broblem Lua ar dudalen sgwrs y Nodyn ble mae'n cael ei gadw. Mi faswn i'n meddwl fod nodion (templates) heb eu trawsgrifo o en i cy. Dw i'n cytuno y dylai eu copio i un prosiect olygu eu rhannu efo gweddill ein prosiectau, ond nid felly mae, ysywaeth! Efallai y gellid eu rhoi ar Meta, a'u tynnu i lawr i bob prosiect unigol, ac mae na waith ar hyn yn digwydd, ond does gen i ddim mo'r amser i ailgychwyn gyda dull newydd; ella y daw arall o holi yn y lle iawn? ee arian gan Lywodraeth Cymru i dalu am arbenigwr mewn codio i weithio gyda ni. Llywelyn2000 (sgwrs) 09:54, 16 Ebrill 2026 (UTC)Ateb

A fyddai'n well cyfuno'r tri erthygl Sipsi, Roma yng Nghymru a Roma? Neu o leaif Sipsi a Roma? Welbru (sgwrs) 12:27, 8 Ebrill 2026 (UTC)Ateb

Pam? Onid oes gwahaniaeth? Llywelyn2000 (sgwrs) 09:55, 16 Ebrill 2026 (UTC)Ateb

Dw i jest wedi anfon mas y cylchlythyr ar gyfer Ebrill (tanysgrifio yma, neu weld y cylchlythyr yma). Mae Wici'r Holl Ddaear yn dechrau'n gynnar eleni felly am rheiny sy'n fyw ger Caerdydd bydd Meet Up briodol ar 17eg o Fai. Ym Mehefin mae gennym ni digwyddiad "Hanes Cwiar Cymreig a Wicipedia". Byddwn i wrth fy modd i gynnal rhywbeth rhywle arall yn Gymru felly ga i dynnu'ch sylw i'r rhan ynghylch grantiau ar gyfer gwirfoddolwyr? Er enghraifft, yn anffodus dw i ddim gallu mynd i'r Eisteddfod eleni ond byddai'n wrth fy modd i gefnogi rhywbeth Wici yno (neu ar gyrion y brifwyl). Mae llwyth o wyliau Cymreig gyda chyfleoedd ac wrth gwrs, llawer o syniadau gwych ar gyfer prosiectau ar Wicipedia. Gemma Coleman (WMUK) (sgwrs) 14:42, 9 Ebrill 2026 (UTC)Ateb

Diolch am drefnu Gemma! Efallai y byddai cynnig costau yn help i godi'r niferoedd yng Nghaerdydd fory hefyd, fel ti'n awgrymu gyda Hanes yr Hoyw Cymreig a Wicipedia. Yn enwedig y dyddiau duon sydd o'n blaen oherwydd Trump a'i griw. Llywelyn2000 (sgwrs) 10:03, 16 Ebrill 2026 (UTC)Ateb

Sori - dw i ddim yn hollol siŵr os dw i wedi deall eich neges yn llwyr, felly os dw i wedi methu'r point isod, plîs dweud wrthyf i! I wneud fy ngorau i ymateb yn y cyfamser...

Y peth bwysicach - i unrhyw un sy'n bwriadu dod, mae'r Meet up yn digwydd mis nesaf (Mai) nid yfory! Felly paid â throi fyny yfory, mae'r rhagolwg tywydd yn ofnadwy hefyd! (Well i aros gartref a golygu!)

Yn ail - mae'r grantiau ar gyfer gwirfoddolwyr yn ar gael am bob math o ddigwyddiadau a syniadau am unrhyw beth perthnasol i Wici, nid jest digwyddiadau ynghylch materion LHDT+. Sori os oedd hwn ddim yn glir yn fy neges uchod!

Mae modd i wneud cais am grant gwirfoddolwr i rhedeg Meet Up arbennig os bydd gwirfoddolwr sy'n awyddus i drefnu rhywbeth ac yn angen cyllid (e.e. mynediad i arddangosfa). Mae'r grantiau hyd at £250 ac fel arfer tua 2 neu 3 grantiau mewn blwyddyn yw'r terfyn. Felly dydyn nhw ddim rili  ar gael ar gyfer Meet Ups traddodiadol ble mae grwpiau yn gwrdd bob mis, ond maen nhw'n opsiwn.

Fel mae'n digwydd, ges i sgwrs gydag un o fy nghyd-weithiwr am y syniad o dalu am gostau teithio i ddigwyddiadau Wiki am rai sy'n eisiau mynychu (nid jest y trefnwyr). Mae eisoes yn bosib defnyddio rhan o grant gwirfoddolwr i wneud hynny (ond does dim modd 'da ni ar hyn o bryd i wneud hwn lle nad oes grant gwirfoddolwr). Ond byddaf ofyn yn ein cyfarfod nesaf. Gemma Coleman (WMUK) (sgwrs) 15:25, 16 Ebrill 2026 (UTC)Ateb

Ie, mis i fory! Gyda 'byddai cynnig costau yn help' ro'n i'n golygu costau teithio, ie - i'r gwirfoddolwyr. Jyst meddwl y byddai nodi hynny'n ysgogi pobl i gymryd rhan. Llywelyn2000 (sgwrs) 15:39, 16 Ebrill 2026 (UTC)Ateb

Gobeithio bod pawb yn mwynhau'r haul! Ga i ofyn, os yw unrhyw un yn ystyried mynychu ein Meet Up yng Nghaerdydd ar 17eg Mai, plîs rhowch eich enwau ar y dudalen Meta neu anfon e-bost ataf (gemma.coleman at wikimedia.org.uk). Hoffwn wneud yn siŵr bod digon ohonom i'r digwyddiad mynd ymlaen ond ar yr ochr arall, dydw i ddim eisiau i bobl droi fyny heb wybod fy mod i wedi canslo achos doeddwn i ddim yn disgwyl nhw! Gemma Coleman (WMUK) (sgwrs) 09:33, 9 Mai 2026 (UTC)Ateb

Gyda threfn newydd Etholiad y Senedd, mae angen ystyried y wybodlen. Ar en-wici, dim ond enw'r etholaeth sydd ganddyn nhw; syml, dim angen ei newid. Mi wnes i greu system o switsys er mwyn rhoi mwy o wybodaeth - enw'r AS a'i blaid e.e. gw. Comins Coch. Oherwydd y bydd 6 enw o hyn ymlaen (a 6 enw plaid), mae'n fwy cymhleth ond mae nifer y switsys yn mynd i fod yn llai (16 swits / etholaeth). Dyma'r opsiynau, hyd y gwela i: A. Rhoi enw'r Etholaeth newydd yn unig. B. Rhestru'r 6 AS. C. Y ddau

Sylwadau os gwelwch yn dda.

Byddai'n wych cael Categori i bob un o'r 16 etholaeth ar bob lle (pentre, tref, dinas) er mwyn i'r bot osod yr uchod yn daclus ee Categori:Llefydd o fewn Bangor Conwy Môn. Mae rhai'n hawdd e.e. Môn, ond eraill yn anos e.e. Sir Caerffili. Byddaf wedyn yn gafael mewn bats / categori a'i bastio yn y bot. Bydd yn rhaid cyfnewid yr hen gategoriau hefyd ar yr un pryd (Replace CatX gyda CatY). Byddai'n braf hyfforddi rhywun iau i ddefnyddio'r bot (Auto Wiki Browser) e.e. dros Zoom; 1 i 1. Dim gwaith codio! Rhowch wybod. Llywelyn2000 (sgwrs) 18:11, 21 Ebrill 2026 (UTC)Ateb

Da iawn ti am gychwyn ar hyn. Mae cael llawer o fanylion yn ardderchog, ond weithiau rydyn ni'n gwneud pethau sy'n anodd o ran cynnal a chadw. Felly mi fyddwn i o blaid opsiwn A. Mae llai o gyfle i bethau fynd o chwith.

Gan fy mod i hyd yn oed yn hŷn na thi, fydda i ddim yn tanysgrifio i'r hyfforddiant... Craigysgafn (sgwrs) 11:17, 22 Ebrill 2026 (UTC)Ateb

Baswn i o blaid opsiwn A hefyd ac am gadw pethau yn syml. Rhyswynne (sgwrs) 10:07, 5 Mai 2026 (UTC)Ateb

Corff yr erthyglau

Mae Defnyddiwr:BOT-Twm Crys wedi cychwyn dileu'r paragraffau cyfan yng nghorff pob erthygl - pwy sy'n cynrychioli'r lleoliad yn Senedd Cymru a'r DU; gweler Bryngwyn, Ceredigion er enghraifft. Mae hyn yn dod a dyfnder cywici i lawr gryn dipyn, ond bid a fo am hynny! Y gwybodlenni a'r categoriau yn ystod y dyddiau nesaf! Llywelyn2000 (sgwrs) 10:58, 5 Mai 2026 (UTC)Ateb

 Cwblhawyd

Rhowch wybod os ydw i wedi methu un! Llywelyn2000 (sgwrs) 07:10, 7 Mai 2026 (UTC)Ateb

Yr etholaethau newydd

Mae angen symlhau sut mae'r wybodaeth yn cael ei gyflwyno yn yr erthygl Etholaethau a Rhanbarthau etholiadol Senedd Cymru; dylai 2026 ddod yn gyntaf. Neu / a chreu erthygl newydd ar y ffiniau / etholaethau newydd. Oes rhywun am wirfoddoli? Llywelyn2000 (sgwrs) 07:10, 7 Mai 2026 (UTC)Ateb

Dw i'n falch o helpu bob amser. Ond bydd angen iti ddweud wrtha i mewn geiriau unsill beth hoffet ti ei wneud... Craigysgafn (sgwrs) 08:42, 7 Mai 2026 (UTC)Ateb

Diolch! Beth am greu erthygl newydd: Etholaethau Senedd Cymru (Mai 2026 ymlaen)? Gelli gopio llawer o'r hyn sydd yn Etholaethau a Rhanbarthau etholiadol Senedd Cymru#Cynigion diwygiedig (Rhagfyr 2024), gan gynnwys y tabl. Newid 'Cynigion diwygiedig' i Yr etholaethau terfynol (neu rhywbeth tebyg). Sorri, mae amser yn brin y dyddiau hyn. Diolch eto! Llywelyn2000 (sgwrs) 16:02, 7 Mai 2026 (UTC)Ateb

O'r gorau! Byddaf i'n rhoi cynnig arni! Craigysgafn (sgwrs) 20:19, 7 Mai 2026 (UTC)Ateb

Y(r) wybodlen

Mi gychwynai efo'r symlaf: trefi. pentrefi a chymunedau yn newid o Ynys Môn i'r etholaeth newydd: Bangor Aberconwy Ynys Môn. Llywelyn2000 (sgwrs) 07:10, 7 Mai 2026 (UTC)Ateb

Newidiwyd Aberffraw. Unrhyw sylwadau, neu ymlaen? A beth am y DU? Trafodaeth ar hwn ar ddiwedd yr etholiad ogydd. Un cam ar y tro! Llywelyn2000 (sgwrs) 07:39, 7 Mai 2026 (UTC)Ateb

Oes hefyd wedyn newid y swits:

aelod_cymru ={{Swits Ynys Môn i enw Aelod o'r Senedd}} ?Rhyswynne (sgwrs) 13:16, 7 Mai 2026 (UTC)Ateb

Oes; disodli (replace ar AWB) yr hen gyda'r newydd e.e. fel hwn Diolch Rhys! Llywelyn2000 (sgwrs) 16:02, 7 Mai 2026 (UTC)Ateb

Dw i wedi gorffen y cyntaf o'r 16 etholaeth: Bangor Aberconwy Ynys Môn. Dw i'n siwr y bydd man bentrefi heb eu newid, a chroeso i chi wneud hynny, neu aros tan fod holl etholaethau Cymru wedi eu botio (!) ac yna chwynu ac ychwanegu. Diolch am eich hamynedd. Llywelyn2000 (sgwrs) 19:59, 7 Mai 2026 (UTC)Ateb

Gallwch weld yr etholaethau sydd wedi'u gwneud yma - Categori:Llefydd o fewn Etholaethau Senedd Cymru. Llywelyn2000 (sgwrs) 08:57, 8 Mai 2026 (UTC)Ateb

Gwybodlen - mae dros hanner llefydd Cymru wedi'u diweddaru, gyda chategori (taclus!) sy'n golygu y bydd ganmil haws eu trin yn y dyfodol, os oes angen. Bydd y gweddill wedi'u gorffen erbyn dydd Mawrth / Mercher. Yn y cyfamser, dw i wedi cuddio'r wybodaeth o'r wybodlen. Llawer o waith da wedi'i wneud gan nifer o olygyddion ddoe ar erthyglau am yr etholiad - fantastig! Llywelyn2000 (sgwrs) 06:59, 9 Mai 2026 (UTC)Ateb