Torero

Un torero,^[1] toriador^[1] u lidiador,^[1] en o lenguache d'a tauromaquia, ye a persona que en l'actual versión d'o toreyo tien o protagonismo prencipal d'a corrida, dirichindo a una cuadrilla de colaboradors (banderillers, picadors, etc.) en o espectaclo. O torero, si fa lo suyo treballo a caballo, ye dito rechoneador.

Actualment a carrera profesional de torero prencipia estando un novillero, cuan nomás se torea que toros de menor tamanyo, peso y fuerza, y s'esdevién dimpués un autentico torero cuan, en una corrida especial, se diz que se pren l'alternativa.

Antigament, uno d'os signos distintivos d'a profesión de torero yera a coleta, que se tallaba cuan o torero albandonaba ixa profesión, quedando trazas en o lenguache castellano ta cuan belún albandona una profesión, treballo u actividat, u mesmo deixa de banda una iniciativa de cualsiquier tema que yera fendo, y se diz alavez que se talla la coleta.

No s'emplega a palabra ta referir-se a qui en as fiestas d'os pueblos partecipa puntualment en un encierro por as carreras d'os animals, que puet estar acompanyau de meter fuego a los cuernos d'os animals, en os ditos toro de fuego u toro embolau. Istas fiestas especials son prou conoixitas en bels puestos d'Aragón, como las Cinco Villas, a on o toro de fuego mas conoixiu se practica encara hue en Sadaba.

En Aragón, uno d'os mas conoixius torers estió lo farasduesano Martincho, que actuó mientres o sieglo XVIII.

• Banderillero.
• Corrida.
• Encierro.
• Novillada.
• Novillero.
• Picador (tauromaquia).
• Rechoneador.
• Tauromaquia.
• Toro de fuego.

• Se veigan as imáchens de Commons sobre los torers.