ຂໍ້ມູນຜູ້ພັດທະນາ

ທ່ານມີປລັກອິນໃໝ່ທີ່ໜ້າສົນໃຈ ແລະ ຢາກໃຫ້ເປັນທີ່ຮູ້ຈັກ. ທ່ານມາຖືກບ່ອນແລ້ວ. ພຽງແຕ່ ຮ້ອງຂໍໃຫ້ພວກເຮົາໂຮສໃຫ້ທ່ານ. ທ່ານຈະສາມາດ:

• ຕິດຕາມເບິ່ງວ່າມີຈຳນວນຄົນດາວໂຫຼດໄປແລ້ວເທົ່າໃດ.
• ໃຫ້ຜູ້ຄົນສາມາດສະແດງຄວາມຄິດເຫັນກ່ຽວກັບປລັກອິນຂອງທ່ານ.
• ໃຫ້ປລັກອິນຂອງທ່ານໄດ້ຮັບການໃຫ້ຄະແນນທຽບກັບປລັກອິນ WordPress ອື່ນໆ.
• ເຮັດໃຫ້ປລັກອິນຂອງທ່ານເປັນທີ່ຮູ້ຈັກຫຼາຍຂຶ້ນໃນຄັງເກັບສູນກາງນີ້.

ມີຂໍ້ຈຳກັດບາງຢ່າງ

• ປລັກອິນຂອງທ່ານຕ້ອງຮອງຮັບກັບ GNU General Public License v2, ຫຼື ເວີຊັນທີ່ໃໝ່ກວ່າ. ພວກເຮົາແນະນຳຢ່າງຍິ່ງໃຫ້ໃຊ້ສັນຍາອະນຸຍາດດຽວກັນກັບ WordPress — “GPLv2 ຫຼື ໃໝ່ກວ່າ.”
• ປລັກອິນຕ້ອງບໍ່ເຮັດສິ່ງໃດທີ່ຜິດກົດໝາຍ ຫຼື ຂັດຕໍ່ສິນລະທຳ (ເຊິ່ງພວກເຮົາຮູ້ວ່າມັນເປັນເລື່ອງທີ່ຕັດສິນໄດ້ຍາກ).
• ທ່ານຕ້ອງໃຊ້ຄັງເກັບ Subversion ທີ່ພວກເຮົາໃຫ້ ເພື່ອໃຫ້ປລັກອິນຂອງທ່ານສະແດງຢູ່ໃນເວັບໄຊນີ້. ຄັງເກັບປລັກອິນ WordPress ແມ່ນເວັບໄຊສຳລັບໂຮສຕິ້ງ (hosting), ບໍ່ແມ່ນເວັບໄຊສຳລັບລົງລາຍຊື່ (listing) ຢ່າງດຽວ.
• ປລັກອິນຕ້ອງບໍ່ໃສ່ລິ້ງພາຍນອກໃນເວັບໄຊສາທາລະນະ (ເຊັ່ນລິ້ງ “powered by”) ໂດຍ��ໍ່ໄດ້ຂໍອະນຸຍາດຈາກຜູ້ໃຊ້ຢ່າງຊັດເຈນ.
• ປລັກອິນຂອງທ່ານຕ້ອງປະຕິບັດຕາມ ຂໍ້ກຳນົດຢ່າງລະອຽດ ຂອງພວກເຮົາ, ເຊິ່ງລວມເຖິງການບໍ່ເປັນສະແປມ ແລະ ບໍ່ລະເມີດລະບົບ.

ການສົ່ງຜົນງານແມ່ນງ່າຍດາຍ

1. ລົງທະບຽນ ບັນຊີໃນ WordPress.org.
2. ສົ່ງປລັກອິນຂອງທ່ານເພື່ອຮັບການກວດສອບ.
3. ຫຼັງຈາກປລັກອິນຂອງທ່ານຖືກ ກວດສອບດ້ວຍມື ແລ້ວ, ມັນຈະໄດ້ຮັບການອະນຸມັດ ຫຼື ທ່ານຈະໄດ້ຮັບອີເມວເພື່ອຂໍຂໍ້ມູນເພີ່ມເຕີມ ແລະ/ຫຼື ຂໍໃຫ້ແກ້ໄຂ.
4. ເມື່ອໄດ້ຮັບການອະນຸມັດແລ້ວ, ທ່ານຈະໄດ້ຮັບສິດເຂົ້າເຖິງ ຄັງເກັບ Subversion (SVN) ເຊິ່ງເປັນບ່ອນທີ່ທ່ານຈະໃຊ້ເກັບປລັກອິນຂອງທ່ານ.
5. ຫຼັງຈາກທີ່ທ່ານອັບໂຫຼດປລັກອິນ (ແລະ ໄຟລ໌ readme!) ເຂົ້າໄປໃນຄັງເກັບນັ້ນບໍ່ດົນ, ມັນຈະຖືກສະແດງໂດຍອັດຕະໂນມັດໃນ ຕົວທ່ອງປລັກອິນ.
6. ກວດເບິ່ງ ຄຳຖາມທີ່ຖືກຖາມເລື້ອຍໆ ສຳລັບຂໍ້ມູນເພີ່ມເຕີມ.

ໄຟລ໌ Readme

ເພື່ອເຮັດໃຫ້ຂໍ້ມູນປລັກອິນຂອງທ່ານມີປະໂຫຍດທີ່ສຸດ, ແຕ່ລະປລັກອິນຄວນມີໄຟລ໌ readme ທີ່ຊື່ວ່າ readme.txt ເຊິ່ງສອດຄ່ອງກັບ ມາດຕະຖານໄຟລ໌ readme ຂອງປລັກອິນ WordPress. ທ່ານສາມາດນຳໄຟລ໌ readme ຂອງທ່ານໄປກວດສອບຜ່ານ ເຄື່ອງມືກວດສອບ readme ໄດ້.