ເຮັດໃຫ້ການເຜີຍແຜ່ ເປັນປະຊາທິປະໄຕ

WordPress ເລີ່ມຕົ້ນໃນປີ 2003 ເມື່ອ Mike Little ແລະ Matt Mullenweg ໄດ້ສ້າງເວີຊັນແຍກ (Fork) ຈາກ b2/cafelog. ຄວາມຕ້ອງການລະບົບການເຜີຍແຜ່ສ່ວນບຸກຄົນທີ່ສວຍງາມ ແລະ ມີໂຄງສ້າງທີ່ດີແມ່ນມີຄວາມຊັດເຈນຕັ້ງແຕ່ຕອນນັ້ນ. ໃນປັດຈຸບັນ, WordPress ຖືກສ້າງຂຶ້ນດ້ວຍ PHP ແລະ MySQL, ແລະ ພາຍໃຕ້ສັນຍາອະນຸຍາດ GPLv2. ນອກຈາກນີ້ ມັນຍັງເປັນແພລັດຟອມທີ່ໄດ້ຮັບຄວາມນິຍົມສູງສຸດ ເຊິ່ງມີເວັບໄຊກວ່າ 43% ທົ່ວໂລກເລືອກໃຊ້.

ໂຄງການໂອເພນຊອດ WordPress ໄດ້ມີວິວັດທະນາການຢ່າງຕໍ່ເນື່ອງ ໂດຍໄດ້ຮັບການສະໜັບສະໜູນຈາກນັກພັດທະນາ, ນັກອອກແບບ, ນັກວິທະຍາສາດ, ບລັອກເກີ ແລະ ຜູ້ຊ່ຽວຊານດ້ານອື່ນໆ. WordPress ມອບໂອກາດໃຫ້ທຸກຄົນໃນການສ້າງສັນ ແລະ ແບ່ງປັນ, ຕັ້ງແຕ່ເລື່ອງລາວສ່ວນຕົວໄປຈົນເຖິງການເຄື່ອນໄຫວທີ່ປ່ຽນແປງໂລກ.

ຜູ້ທີ່ມີປະສົບການດ້ານເຕັກໂນໂລຊີຈຳກັດກໍສາມາດນຳໃຊ້ມັນໄດ້ທັນທີ, ແລະ ຜູ້ທີ່ມີຄວາມຊ່ຽວຊານກໍສາມາດປັບແຕ່ງມັນໄດ້ໃນຮູບແບບທີ່ໜ້າສົນໃຈ.