Хержа статья

«Письмо» — йизза метраж йола гӀалгӀай кино да. Ӏамархананаькъан Амура даьккхад 2024 шера. Советий хана 1970-ча шерашка боккъонца хиннача хӀамашца бух болаш даьккхад. Кино 2024 шера гурахьа арадала дезаш да. Из даккхар а арахецар а хоттадаьд ГӀалгӀай Республика хьахинна 100 шу дузаш дездарца. Премьера Магасе хила езаш я.

Кино даьккхар гӀалгӀай къаман киностуди я «INKI» яхаш. Кино доаккхаш вола режиссёр Ӏамархананаькъан Амур ва. Киноцара болх цар болабенна хиннаб хьалхагӀа лоаца метраж йола «Sajti — Zouli voh» («Сайти ― сын Зовли») яхаш кино даккхарца.

Укх дийнахьа

   28/02

• 1825 — Эрсеченеи Ингалсехьени юкъе ГӀинбухерча Америке мулка́ доазув дарах йола конвенци.
• 1944 — Лаврентий Берияца барт а баь СССР Совнаркома тхьамада волча В. М. Молотовгеи, РСФСР СНК тхьамада волча А. Н. Косыгингеи чӀоагӀдергдолаш каьхат кхаьчад: СССР Совнаркома комиссе тхьамада волча А. В. Гриценкос хӀанзехьа официально дӀаяьккха йоаца Нохч-ГӀалгӀай АССР мишта йийкъача бакъахьа дар яздаьд: цун лаьтташ а, Ӏаьдала рузкъа а, наьха шоай рузкъа а.

1. СССР Лакхехьарча Совета Президиума амарца Орджоникидзе пхьенах Дзауджикау аьнна цӀи тиллай.
2. СССР НКВД № 00193 йола «Нохчийи гӀалгӀайи мехках бахарах йола операци чакхъяьккхарца ювзаеннача гӀулакхех лаьца» яха амар арадаьннад.
3. Казахий СССР Павлодаре Султиганаькъан Асхьаба Мухьмад ваьв — Россе тӀема хьаким, паччахьалкхени юкъареи къахьегамхо, инарал-лейтенант.

• 1935 — Уоллес Карозерс яхача америкахочо нейлона́ синтез яьй.
• 1991 — Ӏарбий (Фаьрсий) форда гана чура тӀом чакхбаьннаб.
• 1993 — ГӀалгӀай Республикан хьалхара Президент харжар. ЦаӀ мара хиннавоаца кандитат хиннача Овшнаькъан Султана Руслана́ хоржам бечарех 99,94 %-о, 142 233 саго, кхадж тессаб.
• 1996 — Россе Федераци Европан Советах дӀакхийттай.

Керттердар